ഹേഗ്: ഫേസ്ബുക്ക് ഉപയോക്താക്കളുടെ ഫോണ് നമ്പറുകള് ചോര്ന്നതായി ആരോപണം. ചോര്ന്ന വിവരങ്ങളില് ഏറ്റവും കൂടുതല് അമേരിക്കന് റെക്കോഡുകളാണ്.
13.3 കോടി ഫോണ് നമ്പര് അടക്കമുള്ള അമേരിക്കന് വിവരങ്ങള് ചോര്ന്നിട്ടുണ്ട്. രണ്ടാം സ്ഥാനത്ത് വിയറ്റ്നാം ആണ് 5 കോടി വിവരങ്ങള്. മൂന്നാം സ്ഥാനത്ത് യു.കെയാണ് ഇവിടുന്ന 1.8 കോടിപ്പേരുടെ വിവരങ്ങള് ചോര്ന്നിട്ടുണ്ട്. മൊത്തത്തില് 41.9 കോടി പേരുടെ ഫോണ് നമ്പര് അടക്കമുള്ള വിവരങ്ങള് കണ്ടെത്തിയ ഡാറ്റബേസിലുണ്ടെന്നാണ് റിപ്പോര്ട്ട്.
ഫേസ്ബുക്ക് ഉപയോക്താക്കളുടെ വിവരങ്ങളും,ഫോണ് നമ്പറും മറ്റും അടങ്ങുന്ന സ്വകാര്യ ഡാറ്റബേസ് കണ്ടെത്തിയത് ഹേഗ് ആസ്ഥാനമാക്കി പ്രവര്ത്തിക്കുന്ന ജിഡിഐ ഫൗണ്ടേഷനാണ് ഇത്തരം ഒരു കണ്ടെത്തല് നടത്തിയത്. സൈബര് സുരക്ഷ രംഗത്ത് പ്രവര്ത്തിക്കുന്ന ഈ ചാരിറ്റി ഫൗണ്ടേഷനിലെ ഗവേഷകന് സന്യാം ജെയിനാണ് ഇതിനെക്കുറിച്ച് ആദ്യം വിവരങ്ങള് പുറത്ത് വിട്ടത് എന്നാണ് ടെക്ക്രഞ്ച് റിപ്പോര്ട്ട് ചെയ്യുന്നത്.
എന്നാല് പുതിയ വാര്ത്ത പുറത്ത് എത്തിയതിന് പിന്നാലെ ഈ ഡാറ്റബേസ് അപ്രത്യക്ഷമായിട്ടുണ്ട്. ഈ വിവരങ്ങള് ദുരുപയോഗം ചെയ്യപ്പെടാന് എല്ലാ സാധ്യതയും ഉണ്ടെന്നാണ് ടെക് ലോകം പറയുന്നത്. സ്പാം സന്ദേശത്തിനും, പരസ്യം അറിയിക്കുന്ന കോളുകളിലേക്കും ഈ ചോര്ച്ച ഉപയോക്താവിനെ നയിച്ചിരിക്കാം.
