ഇന്ത്യന് ക്രിക്കറ്റ് താരം ഋഷഭ് പന്തിന്റെ കാര് അപകടത്തില്പ്പെട്ടു. താരത്തിന് ഗുരുതര പരുക്കേറ്റുവെന്നാണ് പുറത്ത് വരുന്ന വിവരം. ഡല്ഹിയില് നിന്ന് വീട്ടിലേക്ക് വരുംവഴിയാണ് അപകടം സംഭവിച്ചത്.
ഇന്ന് രാവിലെയാണ് ഹമ്മദപുര് ഝലിന് സമീപം റൂര്കിയിലെ നാര്സന് അതിര്ത്തിയില് വച്ചാണ് കാര് അപകടം ഉണ്ടായത്. കാര് ഡിവൈഡറില് തട്ടി മറിഞ്ഞ് തീ പിടിക്കുകയായിരുന്നു.
പന്ത് സഞ്ചരിച്ച കാര് ഡിവൈഡറില് ഇടിക്കുകയായിരുന്നു. കാര് പൂര്ണമായും കത്തി നശിച്ചു. ഗ്ലാസ് പൊട്ടിച്ചാണ് താരം പുറത്തുകടന്നതെന്ന് പുറത്തുവരുന്ന വിവരം. ഹമ്മദ്പൂര് ഝാലിന് സമീപം റൂര്ക്കിയിലെ നര്സന് അതിര്ത്തിയില് വെച്ചാണ് ഋഷഭ് സഞ്ചരിച്ച കാര് അപകടത്തില്പ്പെട്ടത്. പന്തിനെ ദില്ലിയിലെ ആശുപത്രിയിലാണ് പ്രവേശിപ്പിച്ചിരിക്കുന്നത്. താരത്തിന്റെ പ്ലാസ്റ്റിക് സര്ജറി നടത്തുമെന്ന് ദൈനിക് ജാഗരണ് റിപ്പോര്ട്ട് ചെയ്തു.
അപകടസമയത്ത് കാറില് ക്രിക്കറ്റ് താരം തനിച്ചായിരുന്നെന്നും കാറിന് തീപിടിച്ചതിനെ തുടര്ന്ന് വാഹനത്തിന്റെ ചില്ലുകള് തകര്ത്താണ് രക്ഷപ്പെട്ടതെന്നും ഉത്തരാഖണ്ഡ് പൊലീസ് ഡയറക്ടര് ജനറല് അശോക് കുമാര് പറഞ്ഞു. അപകടത്തില് തലയ്ക്കും കാല്മുട്ടിനും പരിക്കേറ്റു. താരത്തെ ഡെറാഡൂണിലെ മാക്സ് ആശുപത്രിയിലേക്ക് മാറ്റി. വെള്ളിയാഴ്ച പുലര്ച്ചെ 5:30 ഓടെയാണ് അപകടത്തില്പ്പെട്ടത്.
ഋഷഭ് പന്തിന്റെ ചികിത്സയുടെ മുഴുവന് ചെലവും സംസ്ഥാനം വഹിക്കുമെന്ന് ഉത്തരാഖണ്ഡ് മുഖ്യമന്ത്രി പുഷ്കര് സിംഗ് ധാമി പറഞ്ഞു.താരം അപകടനില തരണം ചെയ്തതായി ഡല്ഹി ക്രിക്കറ്റ് അസോസിയേഷന് സെക്രട്ടറി അറിയിച്ചു.
