രാജ്യത്തെ നടുക്കിയ ഉന്നാവോ, കത്വാ പീഡനത്തിനെതിരെ കായിക താരങ്ങള് രംഗത്ത്. ആസിഫയ്ക്കും ഉന്നാവോ പെണ്കുട്ടിക്കും നീതി ആവശ്യപ്പെട്ട് രാജ്യമുടനീളം ശബ്ദമുയരുകയാണ് ഇപ്പോള്. ബിജെപി ഗവണ്മെന്റിനും സംഘപരിവാര് ക്രൂരതയ്ക്കുമെതിരെ രാജ്യ വ്യാപക പ്രതിഷേധമാണ് ഉയര്ന്നു വന്നിരിക്കുന്നത്.
കത്വാ-ഉന്നാവോ കേസില് പ്രധാനമന്ത്രി മറുപടി പറയണമെന്നും രാജ്യത്തിന്റെ മനസാക്ഷിയെയാണ് ബലാത്സംഗം ചെയ്തതെന്ന് ഇന്ത്യന് ക്രിക്കറ്റ് താരം ഗൗതം ഗംഭീര് പ്രതികരിച്ചു.
ജമ്മു കശ്മീരില് എട്ടു വയസുകാരി ആസിഫാ ഭാനുവിനെ ക്രൂരമായി ബലാത്സംഗം ചെയ്ത് കൊന്ന സംഭവത്തില് പെണ്കുട്ടിയ്ക്ക് നീതിവേണമെന്ന് ആവശ്യപ്പെട്ട് ടെന്നീസ് താരം സാനിയ മിര്സയും രംഗത്തെത്തിയിട്ടുണ്ട്. ജമ്മു കശ്മീരില് എട്ടു വയസുകാരി ആസിഫാ ഭാനുവിനെ ക്രൂരമായി ബലാത്സംഗം ചെയ്ത് കൊന്ന സംഭവത്തില് പെണ്കുട്ടിയ്ക്ക് നീതിവേണമെന്ന് ആവശ്യപ്പെട്ട് ടെന്നീസ് താരം സാനിയ മിര്സയും രംഗത്തെത്തിയിട്ടുണ്ട്.
‘ലോകത്ത് നമ്മുടെ രാജ്യം ഇന്ന് ഇങ്ങനെ അറിയപ്പെടാനാണോ നാം ആഗ്രഹിക്കുന്നത് ? ജാതി മത ലിംഗ നിറബേധങ്ങള് മറന്ന് ഈ എട്ടുവയസുകാരിക്കായി നിലകൊള്ളാന് നമുക്ക് കഴിഞ്ഞില്ലെങ്കില് ഈ ലോകത്ത് മറ്റൊന്നിനുവേണ്ടിയും ഒരുമിക്കാന് നമുക്കാകില്ല, മനുഷ്യത്വപരമായി പോലും…’ സാനിയ ട്വീറ്ററിലൂടെ പ്രതികരിച്ചു.
വന്യമൃഗങ്ങള് പോലും മാറിനില്ക്കുന്ന കാടത്തമാണ് ആ പെണ്കുഞ്ഞിന് നേരെ ഒരു കൂട്ടം ആളുകള് കാട്ടിക്കൂട്ടിയത്.