സനാതന ധര്‍മത്തെക്കുറിച്ച് പഠിക്കാന്‍ ആഗ്രഹിക്കുന്നവര്‍ക്ക് സുവര്‍ണാവസരമൊരുക്കുകയാണ് കോഴിക്കേട് കേന്ദ്രമാക്കി പ്രവര്‍ത്തിക്കുന്ന കാശ്യപ വേദ റിസര്‍ച്ച് ഫൗണ്ടേഷന്‍. സനാതനധര്‍മത്തിന്റെ അടിസ്ഥാനഗ്രന്ഥമായ വേദങ്ങള്‍തൊട്ടുതന്നെ പഠിച്ചുതുടങ്ങാം, അതും സൗജന്യമായി.
വേദങ്ങളിലെ മന്ത്രങ്ങള്‍ സ്വരിച്ചുചൊല്ലി അര്‍ഥം പഠിക്കുന്ന രീതി ലോകത്തില്‍തന്നെ ഇന്ന് അപൂര്‍വമാണെന്നതാണ് വസ്തുത. ഈ പശ്ചാത്തലത്തിലാണ് ഇത്തരമൊരു പഠന പദ്ധതി ശ്രദ്ധേയമാകുന്നത്. പ്രമുഖ വേദപണ്ഡിതനും കാശ്യപാശ്രമം കുലപതിയുമായ ആചാര്യശ്രീ രാജേഷിന്റെ നേതൃത്വത്തിലാണ് ചരിത്രത്തിലാദ്യമായി ഫെയ്‌സ്ബുക്കില്‍ അത്തരമൊരു കോഴ്‌സ് ആരംഭിക്കുന്നത്.
സസ്വരവേദമന്ത്രപാഠം, സ്വരചിഹ്നങ്ങളോടെയുള്ള മന്ത്രം എന്നിവയടങ്ങിയ വീഡിയോ, വേദമന്ത്രത്തിന്റെ പദം പിരിച്ചുള്ള അര്‍ഥം, നൈരുക്തിക പ്രക്രിയയുടെ അടിസ്ഥാനത്തിലുള്ള മന്ത്രവ്യാഖ്യാനം എന്നിവ ഉള്‍പ്പെടുന്നതായിരിക്കും ഓരോ ക്ലാസ്സും.
ഉപനിഷത്പഠനം, ദര്‍ശനപഠനം, ഗീതാപഠനം എന്നിവയും ഉടന്‍തന്നെ ആരംഭിക്കുമെന്ന് കാശ്യപാശ്രമം വക്താക്കള്‍ അറിയിച്ചു.
