കരുവന്നൂര്‍ ബാങ്ക് തട്ടിപ്പ് കേസില്‍ സിപിഎം സംസ്ഥാന സെക്രട്ടേറിയേറ്റംഗവും മുന്‍എംപിയുമായ പി കെ ബിജു ഇന്ന് വീണ്ടും ഇ ഡിക്ക് മുന്നില്‍ ചോദ്യം ചെയ്യലിന് ഹാജരാകും. കേസില്‍ ഇത് മൂന്നാം തവണയാണ് പി കെ ബിജുവിനെ ചോദ്യം ചെയ്യുന്നത്. ഇതിന് മുന്‍പ് ഏപ്രില്‍ നാലിനും എട്ടിനുമാണ് പി കെ ബിജുവിനെ ഇ ഡി മണിക്കൂറുകളോളം ചോദ്യം ചെയ്തത്.
കേസിലെ മുഖ്യപ്രതി സതീഷ് കുമാറുമായി പി കെ ബിജുവിന് പണമിടപാട് ഉണ്ടായിരുന്നു എന്ന മൊഴിയുടെ അടിസ്ഥാനത്തിലാണ് ചോദ്യം ചെയ്യല്‍. കരുവന്നൂര്‍ ബാങ്ക് തട്ടിപ്പ് കേസില്‍ നേരത്തെ അറസ്റ്റിലായ പി ആര്‍ അരവിന്ദാക്ഷനാണ് പി കെ ബിജുവിനെതിരെ മൊഴി നല്‍കിയത് ചോദ്യം ചെയ്യലുമായി കഴിഞ്ഞ രണ്ടു തവണയും പി കെ ബിജു സഹകരിച്ചിരുന്നു. കഴിഞ്ഞ തിങ്കളാഴ്ച സിപിഎം തൃശൂര്‍ ജില്ലാ സെക്രട്ടറി എം എം വര്‍ഗീസിനെയും പി കെ ബിജുവിനൊപ്പം ചോദ്യം ചെയ്തിരുന്നു.
