തിരുവനന്തപുരം: പൊതുമരാമത്ത് മന്ത്രി പങ്കെടുക്കുന്ന പാലം ഉദ്ഘാടനത്തിന് എത്താത്തവരില്‍ നിന്നും നൂറു രൂപ പിഴ ഈടാക്കുമെന്ന് മുന്നറിയിപ്പ് നല്‍കിയ ഗ്രാമ പഞ്ചാത്ത് അംഗം വെട്ടിലായി. കുടുംബശ്രീ അംഗങ്ങളഉടെ വാട്‌സാപ്പി ഗ്രീപ്പിലാണ് പഞ്ചായത്തംഗവും സിപിഐ നേതാവുമായ എസ് ഷീജയുടേതെന്ന പേരില്‍ ശബ്ദസന്ദേശം ലഭിച്ചത്.
ഞായറാഴ്ച വൈകിട്ട് നെടുമങ്ങാട് നടക്കുന്ന പരിപാടിയിലാണ് മന്ത്രി പി എ മുഹമ്മദ് റിയാസ് പങ്കെടുക്കുന്നത്. പരിപാടി നടക്കുന്നത് മന്ത്രി ജി ആര്‍ അനിലിന്റെ മണ്ഡലത്തിലാണ്.
ഷീജയുടെ ശബ്ദസന്ദേശമിങ്ങനെ
‘പ്രിയപ്പെട്ട കുടുംബശ്രീ അംഗങ്ങളെ, വരുന്ന ഞായറാഴ്ച നമ്മുടെ പഴകുറ്റി പാലത്തിന്റെ ഉദ്ഘാടനമാണ്. പൊതുമരാമത്ത് മന്ത്രി മുഹമ്മദ് റിയാസ് ഉദ്ഘാടനം ചെയ്യും. നെടുമങ്ങാടിന്റെ മന്ത്രി ജി.ആര്‍.അനില്‍ ആണ് അധ്യക്ഷത വഹിക്കുന്നത്. രണ്ടു മന്ത്രിമാര്‍ പങ്കെടുക്കുന്ന പരിപാടിയാണ്. നമ്മുടെ വാര്‍ഡിലാണ് ഈ പാലം സ്ഥിതി ചെയ്യുന്നത്. വരുന്ന ഞായറാഴ്ച ഒരു കുടുംബശ്രീയും വയ്‌ക്കേണ്ടതില്ല. കുടുംബശ്രീയിലുള്ള എല്ലാവരുമായി ക്യത്യം നാലരയ്ക്കു പഴകുറ്റി പാലത്തില്‍ എത്തിച്ചേരുക. വരാത്തവരില്‍നിന്നു നൂറു രൂപ പിഴ ഈടാക്കുന്നതാണ്’, എന്നാണ് ഷീജയുടെ ശബ്ദസന്ദേശം.
