ഇന്ന് ഏറ്റവും കൂടുതല് ഉപയോഗിക്കുന്ന രേഖയാണ് ആധാര് കാര്ഡ്. ഓരോ ചെറുതും വലുതുമായ ആവശ്യങ്ങള്ക്കും ആധാര് കാര്ഡ് ഉപയോഗിക്കുന്നത് മൂലം ആധാര് നഷ്ടപ്പെടാന് സാധ്യതയുണ്ട്. അല്ലെങ്കില് ആധാര് കാര്ഡ് മറന്നു വെക്കാനും സാധ്യതയുണ്ട്. ഇത്തരത്തില് നഷ്ടപ്പെട്ട ആധാര് കാര്ഡ് എങ്ങനെ വീണ്ടും ഓണ്ലൈനില് ലഭിക്കുമെന്ന് പരിശോധിക്കാം.
ആധാര് കാര്ഡ് എങ്ങനെ തിരികെ ലഭിക്കും:
ഘട്ടം 1 – ആദ്യം UIDAI യുടെ ഔദ്യോഗിക വെബ്സൈറ്റ് uidai.gov.in സന്ദര്ശിക്കുക.
ഘട്ടം 2 – ഇതിന് ശേഷം ഉപയോക്താവ് നഷ്ടപ്പെട്ടതോ മറന്നതോ ആയ EID/UID ക്ലിക്ക് ചെയ്യണം. അതിനുശേഷം താഴെ കാണുന്ന മൈ ആധാര് ടാബില് ക്ലിക്ക് ചെയ്യണം.
ഘട്ടം 3 – ഇതിനുശേഷം നിങ്ങള്ക്ക് EID അല്ലെങ്കില് ആധാര് നമ്പര് തിരികെ ലഭിക്കണോ എന്ന് തീരുമാനിക്കാം.
ഘട്ടം 4 – ഇതിനുശേഷം ഉപയോക്താവ് അവന്റെ മുഴുവന് പേരും ഫോണ് നമ്പറും ഇമെയില് വിലാസവും ക്യാപ്ച കോഡും നല്കണം.
ഘട്ടം 5 – തുടര്ന്ന് ഉപയോക്താക്കള് OTP ബട്ടണില് ക്ലിക്ക് ചെയ്യണം. ഇതിന് ശേഷം സ്ഥിരീകരണത്തിനായി നിങ്ങളുടെ രജിസ്റ്റര് ചെയ്ത നമ്പറിലേക്ക് OTP ലഭിക്കും
ഘട്ടം 6 – ഇതിന് ശേഷം OTP നല്കണം. തുടര്ന്ന് നിങ്ങളുടെ രജിസ്റ്റര് ചെയ്ത മൊബൈല് നമ്പറിലേക്കും ഇമെയില് ഐഡിയിലേക്കും നിങ്ങളുടെ ആധാര് നമ്പറും എന്റോള്മെന്റ് ഐഡിയും ലഭിക്കും
നിങ്ങളുടെ ആധാര് കാര്ഡ് നഷ്ടപ്പെട്ടാല്, ഓണ്ലൈനിലോ ഓഫ്ലൈനായോ പോലീസില് പരാതി നല്കുന്നതാണ് നല്ലത്. അല്ലെങ്കില് ആരെങ്കിലും നിങ്ങളുടെ ആധാര് ദുരുപയോഗം ചെയ്യാന് സാധ്യതയുണ്ട്. ഓണ്ലൈന് പരാതി നടപടി വളരെ എളുപ്പമാണ്.
