മൂവാറ്റുപുഴ: സി.പി.ഐയുടെ നേതൃത്വത്തില്‍ എറണാകുളത്ത് ഐ.ജി ഓഫീസിലേയ്ക്ക് മാര്‍ച്ച് നടത്തിയ എല്‍ദോ എബ്രഹാം എം.എല്‍.എ, സംസ്ഥാന കമ്മിറ്റി അംഗം കെ.എന്‍.സുഗതന്‍, ജില്ലാ എക്സിക്യുട്ടീവ് അംഗം ടി.സി.സജ്ഞിത്ത്, ജില്ലാ പഞ്ചായത്ത് മെമ്പര്‍ അസ്ലഫ് പാറേക്കാടന്‍, എ.ഐ.വൈ.എഫ് ജില്ലാ ജോയിന്റ് സെക്രട്ടറി ആല്‍വിന്‍ സേവ്യാര്‍ അടക്കമുള്ള നിരവധി പ്രവര്‍ത്തകര്‍ക്ക് നേരെ നടന്ന പോലീസ് അതിക്രമത്തില്‍ പ്രതിഷേധിച്ച് സി.പി.ഐ മൂവാറ്റുപുഴ മണ്ഡലം കമ്മിറ്റിയുടെ ആഭിമുഖ്യത്തില്‍ മൂവാറ്റുപുഴയില്‍ പ്രതിഷേധ പ്രകടനം നടത്തി. നെഹ്രുപാര്‍ക്കില്‍ നിന്നും ആരംഭിച്ച പ്രകടനം നഗരം ചുറ്റി കച്ചേരിത്താഴത്ത് സമാപിച്ചു. തുടര്‍ന്ന് നടന്ന പ്രതിഷേധ യോഗം സി.പി.ഐ മണ്ഡലം സെക്രട്ടറി ടി.എം.ഹാരീസ് ഉദ്ഘാടനം ചെയ്തു. ജില്ലാ കമ്മിറ്റി അംഗം പി.കെ.ബാബുരാജ്, മണ്ഡലം സെക്രട്ടറിയേറ്റ് അംഗങ്ങളായ കെ.എ.നവാസ്, ഇ.കെ.സുരേഷ്, കെ.എ.സനീര്‍, വിന്‍സന്റ് ഇല്ലിയ്ക്കല്‍, സീന ബോസ് എന്നിവര്‍ സംസാരിച്ചു. പ്രകടനത്തിന് പി.ജി.ശാന്ത, പോള്‍ പൂമറ്റം, പി.വി.ജോയി, വി.എം.തമ്പി, വി.എം.നവാസ്, മേജോ ജോര്‍ജ്, കെ.ബി.നിസാര്‍ എന്നിവര്‍ നേതൃത്വം നല്‍കിc
