ബെംഗളൂരു: മുന് മുഖ്യമന്ത്രി ഉമ്മന്ചാണ്ടിയുടെ ആരോഗ്യനിലയില് പുരോഗതി. ശ്വാസകോശത്തിലെ അണുബാധ മാറിയതായി ബെംഗളുരുവിലെ എച്ച്സിജി ആശുപത്രി അധികൃതര് അറിയിച്ചു. അദ്ദേഹത്തിന്റെ ഇമ്മ്യൂണോതെറാപ്പി ചികിത്സയുടെ ആദ്യഘട്ടം പൂര്ത്തിയായതായും അധികൃതര് പറഞ്ഞു. അദ്ദേഹത്തിന്റെ ആരോഗ്യസ്ഥിതി പരിഗണിച്ച ശേഷം രണ്ടാം ഘട്ട ഇമ്മ്യൂണോതെറാപ്പി മാര്ച്ച് ആദ്യവാരം ആരംഭിക്കും. ഉമ്മന്ചാണ്ടി സ്വന്തമായി ദൈനംദിന പ്രവൃത്തികള് ചെയ്യാന് തുടങ്ങിയതായും ആശുപത്രി അധികൃതര് പുറത്തിറക്കിയ വാര്ത്താക്കുറിപ്പില് പറയുന്നു. ഉമ്മന്ചാണ്ടിയുടെ കുടുംബാംഗങ്ങള് ബെംഗളുരുവില് അദ്ദേഹത്തോടൊപ്പമുണ്ട്.