തൃശ്ശൂര്: തൃശ്ശൂരില് സിപിഎം സ്വത്തുവിവരങ്ങള് മറച്ചുവെച്ചെന്ന് ആദായ നികുതി വകുപ്പ്. ജില്ലയില് മാത്രമായി പാര്ട്ടിക്ക് ആകെ 101 സ്ഥാവര ജംഗമ വസ്തുക്കളുണ്ടെന്നാണ് ഇഡിയുടെ കണ്ടെത്തല്. . എന്നാല് ആദായ നികുതി വകുപ്പിന് നല്കിയ കണക്കില് ഒരു കെട്ടിടം മാത്രമാണ് ഉള്ളതെന്നും ഇഡി വ്യക്തമാക്കി. സിപിഎം തൃശ്ശൂര് ജില്ലാ സെക്രട്ടറിയില് നിന്നും ഇഡി ഇതുസംബന്ധിച്ച കണക്കുകള് ആവശ്യപ്പെട്ടു. പ്രാദേശികമായി പാര്ട്ടി ഓഫീസ് നിര്മിക്കുന്നതിന് നടത്തിയ പണപ്പിരിവിന്റെ കണക്ക് വ്യക്തമാക്കിയിട്ടില്ല. ഇതില് ദുരൂഹതയുണ്ടെന്നും ഇഡി ആരോപിച്ചു.
ഏഴ് വസ്തുക്കള് വിറ്റെന്നും ഒരു കെട്ടിടം മാത്രമാണ് ഉള്ളതെന്നുമാണ് ഇഡിക്ക് നല്കിയ കണക്കില് ജില്ലാ കമ്മിറ്റി വ്യക്തമാക്കിയിട്ടുള്ളത്. ജില്ലാ കമ്മിറ്റിയുടെ ബാങ്ക് അക്കൗണ്ട് മരവിപ്പിച്ചതിന് പിന്നാലെയാണ് ഇഡി സ്വത്തു വിവരം ആരാഞ്ഞിരിക്കുന്നത്. കരുവന്നൂരില് പാര്ട്ടിക്ക് രഹസ്യ അക്കൗണ്ടുകളുണ്ടെന്ന് നേരത്തെ ഇഡി കണ്ടെത്തിയിരുന്നു. ഇതിന്റെ ഭാഗമായി ജില്ലാ സെക്രട്ടറി എം എ വര്ഗീസ്, മുന് എംപി പി കെ ബിജു എന്നിവരെ ഇന്നും ഇഡി ചോദ്യം ചെയ്യാന് വിളിപ്പിച്ചിട്ടുണ്ട്.