ആലത്തൂര്: അശ്ലീല പരാമര്ശം നടത്തിയ ഇടത് മുന്നണി കണ്വീനര് എ വിജയരാഘവനെതിരെ ആലത്തൂരിലെ യുഡിഎഫ് സ്ഥാനാര്ത്ഥി രമ്യ ഹരിദാസ്. അശ്ലീല പരാമര്ശം അത്രയേറെ വേദനിപ്പിച്ചു. ആശയപരമായ പോരാട്ടമാണ് ആലത്തൂരില് നടക്കുന്നത്.
അതിനിടെ വ്യക്തിഹത്യ നടത്തുന്നത് എന്തിനാണെന്നാണ് രമ്യ ഹരിദാസ് ചോദിക്കുന്നത്. പട്ടികജാതി വിഭാഗത്തില് പെട്ട വനിതാ സ്ഥാനാര്ത്ഥിയാണ് താനെന്നും സ്ത്രീ സുരക്ഷയെ കുറിച്ച് വാതോരാതെ സംസാരിക്കന്ന ഇടത് മുന്നണി പ്രതിനിധിയില് നിന്ന് ഇത്തരമൊരു പരാമര്ശം പ്രതീക്ഷിച്ചില്ലെന്നും രമ്യ ഹരിദാസ് പറയുന്നു.
വീട്ടില് അച്ഛനും അമ്മയും ഉണ്ട് , അവരിതെല്ലാം കേള്ക്കുന്നുണ്ടെന്നും രമ്യ ഹരിദാസ് ഓര്മ്മിപ്പിക്കുന്നു. അശ്ലീല പരാമര്ശം നടത്തിയ ഇടത് മുന്നണി കണ്വീനര് എ വിജയരാഘവനെതിരെ നിയമ നടപടി സ്വീകരിക്കുമെന്നും രമ്യ ഹരിദാസ് പറഞ്ഞു. തെരഞ്ഞെടുപ്പില് സ്ഥാനാര്ത്ഥിയായി. പ്രചാരണവുമായി മുന്നോട്ട് പോകുകയാണ്. അതിനിടയില് എന്തിനാണ് ഇങ്ങനെ ഒരു പരാമാര്ശമെന്നും രമ്യ ചോദിക്കുന്നു.
