പെഗാസസ് ഫോണ്‍ ചോര്‍ത്തലില്‍ പാര്‍ലമെന്റിന്റെ ഇരുസഭകളും ഇന്നും പ്രക്ഷുബ്ധമാകും. ഫോണ്‍ ചോര്‍ത്തലില്‍ പ്രധാനമന്ത്രി മറുപടി പറയണമെന്ന ആവശ്യത്തില്‍ ഉറച്ചാകും പ്രതിപക്ഷ പ്രതിഷേധം. പ്രതിപക്ഷ പാര്‍ട്ടികള്‍ യോഗം ചേര്‍ന്ന് തന്ത്രങ്ങള്‍ രൂപീകരിക്കും. ഐടി മന്ത്രി അശ്വിനി വൈഷ്ണവ് വിഷയത്തില്‍ ഇന്ന് രാജ്യസഭയില്‍ മറുപടി പറയും.
ആരോപണങ്ങളില്‍ യാതൊരു അടിസ്ഥാനവുമില്ലെന്നാണ് കേന്ദ്ര സര്‍ക്കാര്‍ നിലപാട്. വിവാദങ്ങള്‍ക്കിടെ പ്രധാനമന്ത്രി നരേന്ദ്ര മോദി ഇന്ന് വൈകുന്നേരം 6 മണിക്ക് ഇരുസഭകളിലേയും പാര്‍ട്ടി നേതാക്കളുമായി കൂടിക്കാഴ്ച നടത്തും.
കോവിഡ് സാഹചര്യം, വാക്സീന്‍ നയം എന്നിവ സംബന്ധിച്ചാണ് യോഗം. അതേസമയം ഫോണ്‍ ചോര്‍ത്തല്‍ സംബന്ധിച്ച കൂടുതല്‍ വിവരങ്ങള്‍ ഇന്നും പുറത്ത് വന്നേക്കും.
