കൊച്ചി: കാക്കനാട് കലക്ടറേറ്റ് 30 ഓഫീസുകളിലെ വൈദ്യുതി കട്ട് ചെയ്ത് കെ.എസ്.ഇ.ബി. 5 മാസത്തെ കുടിശിക ഇനത്തില് 42 ലക്ഷം രൂപ അടക്കാനുണ്ട്. പണം അടക്കേണ്ട അവസാന തീയതിയും കഴിഞ്ഞതിനെ തുടര്ന്നാണ് കളക്ടറേറ്റിലെ ഫ്യൂസൂരിയത്.
കറന്റില്ലാത്തതിനാല് കളക്ടറേറ്റിലെ ഓഫീസ് പ്രവര്ത്തനങ്ങള് അവതാളത്തിലാണ്. മൈനിംഗ് ആന്റ് ജിയോളജി, ജില്ല ലേബര് ഓഫീസ്, ജില്ലാ ഓഡിറ്റ് ഓഫീസ്, എഡ്യൂക്കേഷന് ഡെപ്യൂട്ടി ഡയറക്ടര് ഓഫീസ് എന്നിവിടങ്ങളില് വൈദ്യുതിയില്ല. ഡെപ്യൂട്ടി എഡ്യൂക്കേഷന് ഓഫീസ് 92,933 രൂപയാണ് കുടിശികയുള്ളത്. റെവന്യൂ വിഭാഗത്തിന് 7,19,554 രൂപയാണ് കുടിശിക അടക്കാനുള്ളത്.