ഗവര്ണര്ക്കെതിരെ രൂക്ഷ വിമര്ശനവുമായി സിപിഎം സംസ്ഥാന സെക്രട്ടറി എംവി ഗോവിന്ദന്. ഗവര്ണറുടെ ഭാഗത്ത് നിന്ന് പദവിക്ക് നിരക്കാത്ത സമീപനം ഉണ്ടാകുന്നെന്നാണ് എംവി ഗോവിന്ദന്റെ വിമര്ശനം. സര്ക്കാരിനും സര്വകലാശാലക്കും എതിരെ തെറ്റായ പ്രചാരവേല നടത്തുന്നു. ജനങ്ങളുടെ കണ്മുന്നിലുള്ള കാര്യങ്ങള് ഗവര്ണര് വളച്ചൊടിക്കുകയാണെന്നും എംവി ഗോവിന്ദന് പറഞ്ഞു.
ഗവര്ണര് പദവിയോട് ആദരവ് കാണിക്കാറുണ്ട്, പക്ഷെ പദവിക്ക് നിരക്കാത്ത സമീപനം ഗവര്ണറില് നിന്ന് ഉണ്ടാകുന്നു. ഗവര്ണര് പദവിയിലിരുന്ന് കാണിക്കേണ്ട സമചിത്തത കാണിക്കുന്നില്ലെന്ന് അദ്ദേഹം പറഞ്ഞു.
കണ്ണൂര് സര്വകലാശാലയില് ഗവര്ണര്ക്കെതിരെ വധശ്രമം ഉണ്ടായെന്ന ആരോപണവും എംവി ഗോവിന്ദന് തള്ളി. പൗരത്വ ദേഭഗതി സെമിനാറിലെ പ്രതിഷേധം പൊടുന്നനെ ഉണ്ടായതാണ്. ഗവര്ണര് പറയുന്നത് ലോകത്ത് ആരും വിശ്വസിക്കാത്ത കാര്യമാണെന്നും എംവി ഗോവിന്ദന് പറഞ്ഞു. സിപിഎമ്മിനെയും എസ്എഫ്ഐയേയും പരോക്ഷമായി ഗവര്ണര് കടന്നാക്രമിക്കുകയാണെന്നും എംവി ഗോവിന്ദന് കുറ്റപ്പെടുത്തി.
