തമിഴ്നാട്ടില് നിന്ന് കേരളത്തിലേക്ക് കൊണ്ടുവന്ന ഹൈഡ്രജന് പെറോക്സൈഡ് കലര്ത്തിയ പാല് പിടികൂടി. ടാങ്കറില് കൊണ്ടുവന്ന 15300 ലിറ്റര് പാലാണ് കൊല്ലം ആര്യങ്കാവില് പിടികൂടിയത്.
ഇന്ന് രാവിലെ മൃഗസംരക്ഷണ വകുപ്പ് പരിശോധനയിലാണ് ടാങ്കറില് കൊണ്ടുവരികയായിരുന്ന പാല് പിടികൂടിയത്. തമിഴ്നാട്ടില് നിന്ന് കൊല്ലത്തേക്ക് ആര്യങ്കാവ് ചെക്ക് പോസ്റ്റ് വഴിയാണ് പാല് കൊണ്ടുവന്നത്.
ക്ഷീരവകുപ്പ് മന്ത്രി ജെ ചിഞ്ചുറാണിയുടെ നിര്ദ്ദേശത്തിലായിരുന്നു അതിര്ത്തിയില് പരിശോധന നടത്തിയത്. പത്തനംതിട്ട പന്തളത്തേക്ക് കൊണ്ടുവന്നതായിരുന്നു പാല്. ക്ഷീര സംരക്ഷണ വകുപ്പ് ഉദ്യോഗസ്ഥരാണ് മായം കലര്ത്തിയ പാല് പിടികൂടിയത്. പാലുമായി വന്ന വാഹനം ആരോഗ്യ വകുപ്പിന് കൈമാറും. പാല് ഏറെ നാള് കേട് കൂടാതെ ഇരിക്കാന് വേണ്ടിയാണ് ഹൈഡ്രജന് പെറോക്സൈഡ് ചേര്ക്കുന്നത്.
