പ്രവാസി ഭാരതീയ ദിവസ് ഉദ്ഘാടനം മധ്യപ്രദേശിലെ ഇന്ഡോറില് പ്രധാനമന്ത്രി നരേന്ദ്ര മോദി ഇന്ന് നിര്വ്വഹിക്കും. രണ്ട് വര്ഷത്തെ ഇടവേളയ്ക്ക് ശേഷമാണ് പ്രവാസി ഭാരതീയ ദിവസ് നടക്കുന്നത്. ആഗോള തലത്തില് തന്നെ വേറിട്ടു നില്ക്കുന്ന നമ്മുടെ പ്രവാസികളുമായുള്ള ബന്ധം കൂടുതല് ആഴത്തിലാക്കാനുള്ള മികച്ച അവസരമാണിതെന്ന് പ്രധാനമന്ത്രി ട്വിറ്റ് ചെയ്തു.
‘ഇന്ത്യയുടെ പുരോഗതിക്ക് വിശ്വസനീയരായ പങ്കാളികള്’ എന്ന പ്രമേയത്തില് മൂന്ന് ദിവസം ചര്ച്ചകള് നടക്കും. 70 രാജ്യങ്ങളില് നിന്നുമായി 3,500 ലധികം ആളുകള് പരിപാടിയില് പങ്കെടുക്കും.
ഗാന്ധിജി ദക്ഷിണാഫ്രിക്കയില് നിന്ന് മടങ്ങി എത്തിയതിന്റെ ഓര്മ്മയ്ക്കായാണ് പ്രവാസി ഭാരതീയ ദിവസ് ആഘോഷിക്കുന്നത്.