തൃശൂര്‍: സിപിഎമ്മിന് പിന്നാലെയും കുരുക്കുമായി ഇഡി. കരുവന്നൂര്‍ ബാങ്ക് തട്ടിപ്പില്‍ ഉന്നത കമ്യൂണിസ്റ്റ് നേതാക്കള്‍ക്ക് പങ്കുണ്ടെന്ന പ്രധാനമന്ത്രിയുടെ ആരോപണം പുറത്തു വന്നതിന് പിന്നാലെയാണ് ഇഡിയുടെ പുതിയനീക്കം. കരുവന്നൂര്‍ ബാങ്ക് തട്ടിപ്പ് കേസില്‍ സിപിഎം അക്കൗണ്ട് വിവരങ്ങള്‍ മറച്ചുവെച്ചെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്. തിരഞ്ഞെടുപ്പ് കമ്മീഷനെയും ധനകാര്യ മന്ത്രാലയത്തെയും ഇഡി വിവരം അറിയിച്ചു. അഞ്ച് അക്കൗണ്ടുകള്‍ പ്രവര്‍ത്തിപ്പിച്ചത് സഹകരണ നിയമത്തിന് വിരുദ്ധമായാണ്.
പണം ഇടപാടുകളില്‍ സിപിഎം മാര്‍ഗ്ഗ നിര്‍ദ്ദേശങ്ങള്‍ പാലിച്ചോ എന്ന് പരിശോധിക്കാനാണ് കമ്മീഷന് നല്‍കിയ കത്തില്‍ ആവശ്യപ്പെടുന്നത്. തൃശൂരില്‍ സിപിഎമ്മിന്റെ പേരിലുള്ള അക്കൗണ്ടുകളില്‍ ഈ അഞ്ച് അക്കൗണ്ടുകളുടെ വിവരം ഇല്ലെന്നും ഓഡിറ്റ് റിപ്പോര്‍ട്ടില്‍ ഇത് മറച്ചു വച്ചുവെന്നുമാണ് ഇഡി ആരോപിക്കുന്നത്. ഇതിനിടെ കരുവന്നൂര്‍ കേസില്‍ നിര്‍ണ്ണായക നീക്കവുമായി ഇഡി സംഘം ത്രിശൂരിലുണ്ട്. അറസ്റ്റടക്കമുള്ള നീക്കങ്ങളിലേക്ക് കടക്കാനാണ് ഇഡി നീക്കം. ഇതിന്റ ഭാഗമായാണ് ഉന്നതസംഘം സംസ്ഥാനത്ത് ക്യാമ്പുചെയ്യുന്നത്.
