മലേറിയ നിയന്ത്രണ പ്രവര്ത്തനങ്ങള്ക്കായി ദക്ഷിണാഫ്രിക്കയ്ക്ക് ഇന്ത്യയുടെ സഹായം. കേന്ദ്ര രാസവസ്തു-രാസവള മന്ത്രാലയത്തിനു കീഴിലുള്ള പൊതുമേഖലാ സ്ഥാപനമായ എച്ച്ഐഎല് (ഇന്ത്യ) ആണ് ദക്ഷിണാഫ്രിക്കയെ സഹായിക്കാന് ഇന്നലെ 20.60 ടണ് ഡിഡിടി ദക്ഷിണാഫ്രിക്ക യിലേക്ക് കയറ്റി അയച്ചത് ആഗോള തലത്തില് ഡിഡിടി യുടെ ഏക ഉത്പാദകര് എച്ച്ഐഎല് ആണ്. 2019 -20 കാലയളവില് രാജ്യത്തെ 20 സംസ്ഥാനങ്ങളിലാണ് കമ്പനി ഡിഡിടി വിതരണം ചെയ്തത്. കൂടാതെ നിരവധി ആഫ്രിക്കന് രാജ്യങ്ങളിലേക്കും ഡിഡിടി കയറ്റുമതി ചെയ്യുന്നുണ്ട്. മൊസാമ്പിക്കുമായി അതിര്ത്തി പങ്കിടുന്ന മൂന്ന് പ്രവിശ്യകളില് ആയിരിക്കും ദക്ഷിണാ ഫ്രിക്കന് ആരോഗ്യവകുപ്പ് ഡിഡിടി ഉപയോഗിക്കുക. മലേറിയ ഗുരുതരമായി ബാധിച്ച ഈ മേഖലയില് മലേറിയ മൂലമുള്ള മരണനിരക്കും രോഗനിരക്കും കഴിഞ്ഞ കുറച്ചധികം വര്ഷങ്ങളിലായി ഉയര്ന്ന നിലയിലാണ്.
ആഗോള സമൂഹം നേരിടുന്ന ഏറ്റവും വലിയ ആരോഗ്യ പ്രശ്നങ്ങളില് ഒന്നാണ് മലേറിയ. 2018 ല് മാത്രം 228 ദശലക്ഷം മലേറിയ കേസുകളാണ് ആഗോളതലത്തില് റിപ്പോര്ട്ട് ചെയ്യപ്പെട്ടത്. ഏറ്റവും കൂടുതല് മലേറിയ ബാധിതരും മലേറിയ മൂലമുള്ള മരണ നിരക്കും (93%) ആഫ്രിക്കന് മേഖലയിലാണ് ഉള്ളത്. തെക്കുകിഴക്കന് ഏഷ്യ മേഖലയില് ഏറ്റവും കൂടുതല് മലേറിയ കേസുകളും മരണങ്ങളും റിപ്പോര്ട്ട് ചെയ്യപ്പെടുന്നത് ഇന്ത്യയിലാണ്. കൊതുകു പരത്തുന്ന മലേറിയക്കെതിരായി, താമസസ്ഥലങ്ങള്ക്ക് ഉള്ളില് പ്രയോഗിക്കാവുന്ന (IRS) ഏറ്റവും ഫല പ്രദമായ രാസ വസ്തുവായി ലോകാരോഗ്യ സംഘടന നിര്ദേശിക്കുന്ന ഡിഡിടി ദക്ഷിണാഫ്രിക്കന് രാജ്യങ്ങളിലും ഇന്ത്യയിലും വ്യാപകമായി ഉപയോഗിക്കപ്പെടുന്നു. നടപ്പ് സാമ്പത്തിക വര്ഷത്തില് സിംബാവേയിലേക്കും (128MT), സാംബിയയിലേക്കും (113 MT) ഡിഡിടി 75% WP കമ്പനി കയറ്റി അയയ്ക്കും.
