ന്യൂഡല്ഹി: ഇന്ത്യന് സ്റ്റാര്ട്ടപ്പ് കമ്ബനിയില് വന് നിക്ഷേപവുമായി ഫേസ്ബുക്ക്. സാങ്കേതിക വിദ്യ അടിസ്ഥാനമാക്കി വിദ്യാഭ്യാസ രംഗത്ത് പ്രവര്ത്തിക്കുന്ന കമ്ബനിയിലാണ് ഫേസ്ബുക്ക് വന് നിക്ഷേപം നടത്തുന്നത്. 110 ദശലക്ഷം ഡോളര് നിക്ഷേപിക്കാന് ഫേസ്ബുക്ക് തീരുമാനിച്ചു. ഏതാണ്ട് 787 കോടി രൂപയിലേറെയാണ് നിക്ഷേപം നടത്തുന്നത്. അണ്അക്കാദമി (Unacademy) എന്ന സ്റ്റാര്ട്ടപ്പിനാണ് വന് നേട്ടം സ്വന്തമാക്കാനായത്.
മീഷോ എന്ന സോഷ്യല്-കൊമേഴ്സ് സ്ഥാപനത്തിലാണ് കഴിഞ്ഞ വര്ഷം ഫേസ്ബുക്ക് നിക്ഷേപം നടത്തിയത്. സംരംഭകരെ ഉത്തേജിപ്പിക്കുക എന്ന ലക്ഷ്യത്തോടെ പ്രവര്ത്തിക്കുന്ന സ്ഥാപനമാണിത്. ചെറു നഗരങ്ങളിലെ സ്ത്രീകളെ കേന്ദ്രീകരിച്ചാണ് മീഷോയുടെ പ്രവര്ത്തനം.ഫേസ്ബുക്ക് ഇന്ത്യയില് വന് നിക്ഷേപം നടത്തുന്ന രണ്ടാമത്തെ പ്രൊജക്ടാണിത്.
നിക്ഷേപം കൂടുതല് പരീക്ഷാ സഹായ കാറ്റഗറികള് ആരംഭിക്കാനായി ഉപയോഗിക്കുമെന്ന് കമ്ബനി വ്യക്തമാക്കി. ഇതിന് പുറമെ, നിലവില് കമ്ബനിക്ക് സഹായം നല്കി വന്നിരുന്ന എയ്ഞ്ചല് ഇന്വസ്റ്റര്മാരെ ഒഴിവാക്കാനും കമ്ബനി തീരുമാനിച്ചിട്ടുണ്ട്. ഫേസ്ബുക്ക് നിക്ഷേപത്തില് സന്തോഷമുണ്ടെന്ന് അണ്അക്കാദമിയുടെ സഹ സ്ഥാപകനും സിഇഒയുമായ ഗൗരവ് മുഞ്ജല് പത്രക്കുറിപ്പില് വ്യക്തമാക്കി.
