ഡല്‍ഹി : ഝാർഖണ്ഡിൽ നിരോധിത ഭീകര സംഘടനയായ ഇസ്ലാമിക് സ്റ്റേറ്റുമായി ബന്ധപ്പെട്ട കേസിൽ പങ്കുണ്ടെന്ന് ആരോപിച്ച് ഒരാളെ ദേശീയ അന്വേഷണ ഏജൻസി (എൻഐഎ) അറസ്റ്റ് ചെയ്തു. നടത്തിയ പരിശോധനയുടെ ഭാഗമായി ഏഴ് സംസ്ഥാനങ്ങളിലായി ഒമ്പത് സ്ഥലങ്ങളിൽ സംശയാസ്പദമായ സ്ഥലങ്ങളിൽ നടത്തിയ പരിശോധനയിലാണ് രാഹുൽ സെൻ (23) അഥവാ ഒമർ എന്ന ഒമർ ബഹാദൂറിനെ അറസ്റ്റ് ചെയ്തത്.
അറസ്റ്റിനിടെ, ഇലക്ട്രോണിക്/ഡിജിറ്റൽ ഉപകരണങ്ങൾ (ലാപ്‌ടോപ്പുകൾ, പെൻഡ്രൈവുകൾ, മൊബൈൽ ഫോണുകൾ), ഒരു കത്തി, ഒരു മൂടുപടം, ഐഎസുമായി ബന്ധപ്പെട്ട നിരവധി രേഖകൾ എന്നിവയുൾപ്പെടെ നിരവധി കുറ്റകരമായ വസ്തുക്കൾ ഒമറിൽ നിന്ന് പിടിച്ചെടുത്തു. അതേസമയം കാമ്പസിനടുത്ത് താമസിക്കുന്ന സമയത്ത് തീവ്രവാദികളുമായി സമ്പർക്കം പുലർത്തിയ അലിഗഡ് മുസ്ലീം യൂണിവേഴ്സിറ്റി വിദ്യാർത്ഥി ഫൈസാൻ അൻസാരിയെ ജൂലൈയിൽ എൻഐഎ അറസ്റ്റ് ചെയ്തിരുന്നു. ഇതിന്റെ തുടർച്ചയായി ഒമ്പത് സ്ഥലങ്ങളിൽ ഒന്നിലധികം റെയ്ഡുകൾ നടത്തിയിരുന്നു.
തീവ്രവാദവുമായി ബന്ധപ്പെട്ട വിവിധ പ്രവർത്തനങ്ങൾക്കായി യുവാക്കളെ പ്രോത്സാഹിപ്പിക്കുക, യുവാക്കളെ റിക്രൂട്ട് ചെയ്യുന്നതിനുമായി സോഷ്യൽ മീഡിയ വഴി ഐസിസ് പ്രചരണം നടത്തി, കൂടാതെ തീവ്രവാദ ഗൂഢാലോചനയിൽ സജീവ പങ്കുവഹിച്ചതിനുമാണ് ഒമറിനെ അറസ്റ്റ് ചെയ്തത്. രത്‌ലാമിൽ നിന്നാണ് അറസ്റ്റ് ചെയ്തത്.ഐഎസുമായി ബന്ധപ്പെട്ട വീഡിയോകൾ ഉൾപ്പെടെ നിരവധി കുറ്റകരമായ വസ്തുക്കളും വിവരങ്ങളും എൻഐഎ പിടിച്ചെടുത്തു.
ബിഹാറിലെ സിവാൻ ജില്ല, ഉത്തർപ്രദേശിലെ ജൗൻപൂർ, അസംഗഡ്, മഹാരാജ്ഗഞ്ച് ജില്ലകൾ, മധ്യപ്രദേശിലെ രത്‌ലം, പഞ്ചാബിലെ ലുധിയാന, ഗോവയിലെ ദക്ഷിണ ഗോവ, കർണാടകയിലെ യാദ്ഗിർ, മഹാരാഷ്ട്രയിലെ മുംബൈ എന്നിവിടങ്ങളിലാണ് റെയ്ഡ് നടത്തിയത്.ഇക്കണോമിക്‌സിൽ ബിരുദാനന്തര ബിരുദം നേടിയ ഫൈസാൻ കാമ്പസിനടുത്തുള്ള ലോഡ്ജിലാണ് താമസിച്ചിരുന്നത്. അലിഗഡ് മുസ്ലീം യൂണിവേഴ്സിറ്റിയിൽ പഠിക്കുമ്പോൾ, ഐഎസ്ഐഎസ് പ്രവർത്തകരുമായി ആശയവിനിമയം നടത്തിയിരുന്ന ചില തീവ്രവാദികളായ വ്യക്തികളുമായി സമ്പർക്കം പുലർത്തി, ഐഎസിൽ ചേരാൻ മറ്റുള്ളവരെ സ്വാധീനിക്കാൻ ശ്രമിക്കുന്ന ഒരു രഹസ്യ ഗ്രൂപ്പിന് രൂപം നൽകി.
ഐഎസിന് സജീവ പിന്തുണ നൽകി, ഭീകരപ്രവർത്തനങ്ങളെ സഹായിക്കാനും പ്രോത്സാഹിപ്പിക്കാനും ലക്ഷ്യമിട്ട് സോഷ്യൽ മീഡിയ പ്ലാറ്റ്‌ഫോമുകളിലൂടെ ഫൈസാനും തന്റെ കൂട്ടാളികളും അജ്ഞാതരായ മറ്റുള്ളവരും ചേർന്ന് ജാർഖണ്ഡ് ഭീകര മോഡ്യൂൾ ഗൂഢാലോചന നടത്തിയിരുന്നുവെന്നും എൻഐഎ പറയുന്നു.ഐഎസിന് വേണ്ടി ഇന്ത്യയിൽ അക്രമാസക്തമായ ഭീകരാക്രമണങ്ങൾ അഴിച്ചുവിടാനും, നിരോധിത സംഘടനയിലേക്ക് യുവാക്കളെ റിക്രൂട്ട് ചെയ്യാനും ലക്ഷ്യമിട്ടായിരുന്നു ഗൂഢാലോചന.
ഇന്ത്യയിൽ ഐസിസ് കേഡർ വിപുലീകരിക്കുന്നതിനായി നവ മതപരിവർത്തനം നടത്തിയവരെ തീവ്രവാദികളിലേക്ക് കൊണ്ടുവരാനുള്ള ശ്രമത്തിലായിരുന്നു ഫൈസാനെന്ന് എൻഐഎ പറയുന്നു. തീവ്രവാദ പ്രത്യയശാസ്ത്രം പ്രചരിപ്പിക്കുന്നതിനായി വിദേശ ആസ്ഥാനമായുള്ള ഐസിസ് ഹാൻഡ്‌ലർമാരുമായി ഇയാൾ ബന്ധപ്പെട്ടിരുന്നു.ഇന്ത്യയിലെ ചുമതല പൂർത്തിയാക്കിയ ശേഷം ഒരു വിദേശ ഐസിസ് സംഘത്തിലേക്ക് ‘ഹിജ്‌റത്ത് (കുടിയേറ്റം) ചെയ്യുന്നതിനെ കുറിച്ചും ഫൈസാൻ ആലോചിച്ചിരുന്നുവെന്നും ഉദ്യോഗസ്ഥർ കൂട്ടിച്ചേർത്തു.
ഇന്ത്യൻ ശിക്ഷാ നിയമത്തിലെ (ഐപിസി) 120 ബി, 153 എ, 505 വകുപ്പുകളും നിയമവിരുദ്ധ പ്രവർത്തനങ്ങൾ (തടയൽ) നിയമത്തിലെ 18, 20, 38, 39 വകുപ്പുകളും പ്രകാരം ജൂലൈ 19 ന് എൻഐഎ കേസ് രജിസ്റ്റർ ചെയ്തു. ജൂലൈ 20നാണ് ഫൈസാൻ അറസ്റ്റിലായത്. കൂടുതൽ അന്വേഷണങ്ങൾ നടന്നുവരികയാണ്.
