ന്യൂഡല്‍ഹി: പൗരത്വ നിയമം നടപ്പിലാക്കാന്‍ കേന്ദ്രസര്‍ക്കാരിന് നിയമപരമായും രാഷ്ട്രീയപരമായും വെല്ലുവിളി നേരിടേണ്ടി വരുമെന്ന് എസ്ഡിപിഐ ദേശീയ പ്രസിഡന്റ് എം കെ ഫൈസി. വിശുദ്ധ റമദാന്‍ മാസത്തിന്റെ തലേന്ന് തന്നെ വിഭജനവും വിവേചനപരവുമായ സിഎഎ നടപ്പാക്കാനുള്ള വിജ്ഞാപനം മുസ്ലീംസമൂഹത്തെ പരിഹസിക്കാനുള്ള സംഘപരിവാറിന്റെ കുടില തന്ത്രമാണെന്ന് അദ്ദേഹം ആരോപിച്ചു. കേന്ദ്രസര്‍ക്കാര്‍ അടിച്ചേല്‍പ്പിക്കാന്‍ ശ്രമിക്കുന്ന പൗരത്വ നിയമം രാജ്യത്തിന്റെ അഖണ്ഡതയെ തകര്‍ക്കും.
1955ലെ പൗരത്വ നിയമത്തില്‍ രണ്ടാം എന്‍ഡിഎ സര്‍ക്കാര്‍ കൊണ്ടുവന്ന ഭേദഗതി അനാവശ്യവും മുസ്ലിംകളെ അകറ്റുകയെന്ന ലക്ഷ്യത്തോടെയുമുള്ളതാണ്. അയല്‍ രാജ്യങ്ങളില്‍ മതപീഢനത്തിന് വിധേയരാകുന്നവര്‍ക്ക് പൗരത്വം നല്‍കുന്നതിനാണ് ഭേദഗതിയെന്ന് സംഘപരിവാര്‍ അവകാശപ്പെടുന്നുണ്ടെങ്കിലും, നിയമത്തിന്റെ പരിധിയില്‍ നിന്ന് മുസ്ലീംകളെ ഒഴിവാക്കിയിരിക്കുന്നതിനാല്‍ ഇത് ഭരണഘടനാ വിരുദ്ധമാണ്.
പാര്‍ലമെന്റിലെ ഭേദഗതി പാസാക്കിയത് 2019 ല്‍ രാജ്യത്തുടനീളമുള്ള തെരുവുകളില്‍ നിരന്തരമായ പ്രതിഷേധം ഇത് നിയമം നടപ്പാക്കുന്നത് നിര്‍ത്തിവയ്ക്കാന്‍ സര്‍ക്കാരിനെ നിര്‍ബന്ധിതരാക്കിരുന്നു.
വരാനിരിക്കുന്ന പൊതുതിരഞ്ഞെടുപ്പിന് മുന്നോടിയായി സിഎഎ നടപ്പാക്കാനുള്ള നിലവിലെ വിജ്ഞാപനം മതത്തിന്റെ പേരില്‍ ജനങ്ങളെ ഭിന്നിപ്പിച്ച് വോട്ട് നേടുന്നതിനാണ്. സിഎഎ നടപ്പാക്കുന്നതിനെതിരെ എസ്ഡിപിഐ ശക്തമായ സമരങ്ങള്‍ സംഘടിപ്പിക്കുമെന്നും നിയമപരമായും രാഷ്ട്രീയമായും ഇതിനെ നേരിടുമെന്നും എം കെ ഫൈസി പറഞ്ഞു.
