തിരുവനന്തപുരം: സംസ്ഥാനത്ത് വിദേശനിര്‍മ്മിത വിദേശ മദ്യത്തിന്റെയും വിദേശ നിര്‍മ്മിത വൈനിന്റെയും വില വര്‍ദ്ധിക്കും.പുതിയ വില ഒക്ടോബര്‍ മൂന്ന് മുതല്‍ നിലവില്‍ വരും. കമ്ബനികള്‍ ബിവറേജസ് കോര്‍പ്പറേഷന് നല്‍കേണ്ട വെയര്‍ഹൗസ് മാര്‍ജിന്‍ 14 ശതമാനമായും ഷോപ്പ് മാര്‍ജിന്‍ 20 ശതമാനമായും ഉയര്‍ത്താന്‍ ബെവ്കോ അനുമതി നല്‍കിയിരിക്കുകയാണ്.
സംസ്ഥാനത്ത് നിലവില്‍ 1800 രൂപ മുതലാണ് വിദേശ നിര്‍മ്മിത മദ്യം ലഭ്യമാകുന്നത്. വില വര്‍ദ്ധിക്കുന്നതോടെ 2500 രൂപയില്‍ താഴെയുള്ള ബ്രാന്‍ഡ് ഉണ്ടാകില്ല. ഇന്ത്യന്‍ നിര്‍മ്മിത വിദേശമദ്യം വിതരണം ചെയ്യുന്ന കമ്ബനികളുടെ ദീര്‍ഘകാല ആവശ്യത്തിനാണ് ഇപ്പോള്‍ അനുമതി നല്‍കിയിരിക്കുന്നത്. വിദേശത്ത് നിര്‍മ്മിക്കുന്ന വൈനിനും മദ്യത്തിനും ഇനി ഒരേ നിരക്കിലായിരിക്കും മാര്‍ജിന്‍.
