മലപ്പുറം: കൊണ്ടോട്ടിയില് കെഎസ്ആർടിസി ബസ് മറിഞ്ഞുണ്ടായ അപകടത്തില് നിരവധി പേർക്ക് പരിക്ക്. പാലക്കാട്ടുനിന്ന് കോഴിക്കോട്ടേക്ക് പോകുകയായിരുന്ന ബസ് തങ്ങള്സ് റോഡ് ജംഗ്ഷന് സമീപം നിയന്ത്രണംവിട്ട് മറിയുകയായിരുന്നു.ഞായറാഴ്ച രാവിലെ ഏഴരയോടെയാണ് അപകടം. ഞായറാഴ്ചയായതിനാല് വാഹനങ്ങളും യാത്രക്കാരും കുറവായതിനാല് വൻദുരന്തം ഒഴിവായി. ബസിലും യാത്രക്കാർ കുറവായിരുന്നു. ആരുടേയും പരിക്ക് ഗുരുതരമല്ലെന്ന് പോലീസ് അറിയിച്ചു.