കോട്ടയം :സമയം കഴിഞ്ഞിട്ടും പുതുപ്പള്ളിയില്‍ വോട്ടറുമാരുടെ നീണ്ട നിര പുതുപ്പള്ളിയില്‍ വോട്ടിങ് യന്ത്രത്തിന്റെ വേഗത കുറഞ്ഞതിനാല്‍ പലരും വോട്ടു ചെയ്യാനാകാതെ തിരിച്ചുപോയെന്നും, അവര്‍ക്ക് സമയം നീട്ടി നല്‍കണമെന്നും യുഡിഎഫ് സ്ഥാനാര്‍ഥി ചാണ്ടി ഉമ്മന്‍. മൂന്നു മണിക്കൂര്‍ വരെയായി കാത്തിരിക്കുന്നവരുണ്ടെന്നും പലയിടത്തും ഒരാള്‍ക്ക് വോട്ടുചെയ്യാന്‍ 5 മിനിറ്റിലേറെ സമയമെടുക്കുന്നുണ്ടെന്നും ചാണ്ടി ഉമ്മന്‍ പറഞ്ഞു.
വോട്ടിങ് യന്ത്രം സ്ലോ ആണെന്നാണ് അധികൃതര്‍ നല്‍കുന്ന മറുപടി. എന്താണു കാരണമെന്നു ചോദിച്ചാല്‍ അതിന് ഉത്തരമില്ല. 31 ബൂത്തുകളില്‍ പ്രശ്‌നമുണ്ടെന്നാണു മനസ്സിലാക്കുന്നത്. രാവിലെ മുതല്‍ റിട്ടേണിങ് ഓഫിസറോട് പറഞ്ഞിരുന്നു. എന്നാല്‍ നടപടിയുണ്ടായില്ല. വോട്ടു ചെയ്യുക എന്നുള്ളത് എല്ലാവരുടെയും അവകാശമാണെന്നും ചാണ്ടി ഉമ്മന്‍ പറഞ്ഞു.അതേസമയം പല ബൂത്തുകളിലും വോട്ടുചെയ്യാനെത്തിയവരുടെ നീണ്ട നിരയാണ്. ബൂത്തുകളില്‍ എത്തിയവര്‍ക്ക് വോട്ടു ചെയ്യാനുള്ള അവസരം നല്‍കുമെന്ന് അധികൃതര്‍ വ്യക്തമാക്കി.
