കണ്ണൂര്: കൊട്ടിയൂര് പാല്ചുരത്തില് ലോറി മറിഞ്ഞുണ്ടായ അപകടത്തില് ഒരാള് മരിച്ചു. ലോറി ഡ്രൈവറും ക്ലീനറുമാണ് വണ്ടിയിലുണ്ടായിരുന്നത്. ഒരാളെ പരുക്കുകളോടെ രക്ഷപ്പെടുത്തി. മരിച്ചയാളെ തിരിച്ചറിഞ്ഞിട്ടില്ല. രാവിലെ എട്ട് മണിയോടെയാണ് അപകടമുണ്ടായത്.
പാല്ച്ചുരത്തില് ആശ്രമം ജംഗ്ഷന് സമീപമാണ് ലോറി മറിഞ്ഞത്. അപകടത്തെ തുടര്ന്ന് ചുരം വഴിയുള്ള ഗതാഗതം പൂര്ണമായും തടസപ്പെട്ടു. കര്ണാടകയില് നിന്ന് പച്ചക്കറികളുമായി വന്ന ലോറിയാണ് മറിഞ്ഞത്. ഇലക്ട്രിക്ക് ലൈനിന്റെ മുകളിലേക്കാണ് ലോറി മറിഞ്ഞത്.
മാനന്തവാടിയില് നിന്നുള്ള ഫയര്ഫോഴ്സ് സംഘത്തിന്റെയും, നാട്ടുകാരുടെയും നേതൃത്വത്തിലാണ് രക്ഷാപ്രവര്ത്തനം നടത്തിയത്.