തിരുവനന്തപുരം: ശ്രീലങ്കയ്ക്ക് സമീപം രൂപമെടുത്ത ഡിറ്റ്‌വാ ചുഴലിക്കാറ്റിന്റെ സ്വാധീനത്തിൽ അഞ്ചു ജില്ലകളിൽ ശനിയാഴ്ച കനത്തമഴയ്ക്ക് സാധ്യതയുണ്ടെന്ന് കാലാവസ്ഥാവകുപ്പിന്റെ മുന്നറിയിപ്പ്. പത്തനംതിട്ട, ഇടുക്കി, പാലക്കാട്, മലപ്പുറം, വയനാട് ജില്ലകളിലാണ് മഞ്ഞ മുന്നറിയിപ്പ്.
ചെന്നൈയ്ക്ക് 510 കിലോമീറ്ററും കാരയ്ക്കലിന് 300 കിലോമീറ്ററും തെക്കുകിഴക്കാണ് വെള്ളിയാഴ്ച വൈകുന്നേരം കാറ്റിന്റെ സ്ഥിതി. 30-ന് വൈകുന്നേരം വടക്കൻ തമിഴ്നാട്, പുതുച്ചേരി, തെക്കൻ ആന്ധ്രപ്രദേശ് തീരങ്ങളിൽ കാറ്റ് എത്തുമെന്നാണ് നിഗമനം.
