പരീക്ഷകള്‍ പൂര്‍ത്തിയായതിനാല്‍ കഴിഞ്ഞ എസ്എസ്എല്സി, പ്ലസ്ടു പരീക്ഷകളുടെ മൂല്യനിര്‍ണ്ണയം ജൂണില്‍ തുടങ്ങും. വിദ്യാഭ്യാസ ഡയറക്ടര്‍ ജനറല്‍ വിളിച്ച യോഗത്തിലാണ് ഇത് സംബന്ധിച്ച തീരുമാനം ഉണ്ടായത്. ജൂണ്‍ ഒന്ന് മുതല്‍ ആരംഭിക്കാനാണ് തീരുമാനം. എന്നാല്‍, സ്‌കൂളുകള്‍ തുറക്കുന്നത് കേന്ദ്രനിര്‍ദേശം വന്ന ശേഷമായിരിക്കുമെന്ന് യോഗം വ്യക്തമാക്കി.
ജൂണ്‍ ഒന്നിന് ഓണ്‍ലൈന്‍ ക്ലാസുകള്‍ ആരംഭിക്കാനും പദ്ധതിയുണ്ട്. രാവിലെ 8.30 മുതല്‍ 5.30 വരെയായിരിക്കും ക്ലാസുകള്‍. ഓണ്‍ലൈന്‍ ക്ലാസില്‍ പങ്കെടുക്കാന്‍ പറ്റാത്തവര്‍ക്ക് മറ്റ് സംവിധാനങ്ങള്‍ ക്രമീകരിക്കും. ഓണ്‍ലൈന്‍ ക്ലാസുകളില്‍ വിദ്യാര്‍ത്ഥികള്‍ പങ്കെടുക്കുന്നുണ്ടെന്ന് അധ്യാപകര്‍ ഉറപ്പാക്കണം. സ്വന്തം വീട്ടില്‍ നിന്ന് ഓണ്‍ലൈനായി പങ്കെടുക്കാനാകാത്ത കുട്ടികള്‍ക്ക് തൊട്ടടുത്ത കോളേജിനെയോ ലൈബ്രറിയെയോ ആശ്രയിക്കാമെന്നും യോഗം വ്യക്തമാക്കി.
