കോട്ടയം: കോട്ടയം മാന്നാനത്ത് ഭാര്യവീട്ടുകാര് തട്ടിക്കൊണ്ടുപോയ നവവരന്റെ മൃതദേഹം കണ്ടെത്തി. പുനലൂര് ചാലിയേക്കരയില് നിന്നാണ് മൃതദേഹം കണ്ടെത്തിയത്.സംഭവത്തില് പുനലൂര് സ്വദേശിനിയായ പെണ്കുട്ടിയുടെ സഹോദരന്റെ സുഹൃത്ത് ഇശല് അറസ്റ്റിലായി..
നട്ടാശേരി എസ്എച്ച് മൗണ്ട് പ്ലാത്തറ വീട്ടില് കെവിനെയും ഇയാളുടെ പിതൃസഹോദരിയുടെ മകന് മാന്നാനം കളമ്പുകാട്ടുചിറ അനീഷ് സെബാസ്റ്റ്യനെയുമാണ് മാരകായുധങ്ങളുമായെത്തിയ സംഘം തട്ടിക്കൊണ്ടുപോയത്. അനീഷിന്റെ വീട് സംഘം അടിച്ചു തകര്ക്കുകയും ചെയ്തിരുന്നു. അനീഷിനെ പിന്നീടു സംഘം റോഡില് ഉപേക്ഷിച്ചെങ്കിലും. കെവിനെക്കുറിച്ചു വിവരമൊന്നുമില്ലായിരുന്നു. തുടര്ന്നാണ് മൃതദേഹം കണ്ടെത്തിയിരിക്കുന്നത് .പെണ്കുട്ടി കെവിനും തമ്മില് മൂന്നു വര്ഷമായി പ്രണയത്തിലായിരുന്നു.
മറ്റൊരു വിവാഹം നടത്താന് ബന്ധുക്കള് ഉറപ്പിച്ചതോടെ പെണ്കുട്ടി കെവിനൊപ്പം ഇറങ്ങിപ്പോന്നു. പെണ്കുട്ടിയുടെ വീട്ടുകാര് ഗാന്ധിനഗര് പൊലീസ് സ്റ്റേഷനില് എത്തി ഇവരുമായി സംസാരിച്ചിരുന്നു. പൊലീസിന്റെ നിര്ദേശപ്രകാരം പെണ്കുട്ടി ഹാജരാക്കിയെങ്കിലും കെവിനൊപ്പം ജീവിക്കാനാണു താല്പര്യമെന്ന് അറിയിച്ചു. ഇതില് പ്രകോപിതരായ ബന്ധുക്കള് പെണ്കുട്ടിയെ പൊലീസിന്റെ മുന്നില്വച്ചു മര്ദിച്ചു വാഹനത്തില് കയറ്റാന് ശ്രമം നടത്തിയെങ്കിലും നാട്ടുകാര് സംഘടിച്ചതോടെ പിന്വാങ്ങി.
ശനിയാഴ്ച രാവിലെയും ഇവരെത്തി നാട്ടുകാരെ ഭീഷണിപ്പെടുത്തി. ഇതിനിടെ, പെണ്കുട്ടി അമ്മഞ്ചേരിയിലുള്ള ലേഡീസ് ഹോസ്റ്റലിലേക്കു കെവിന് രഹസ്യമായി മാറ്റി. അമ്മാവന്റെ മകനായ അനീഷിനൊപ്പം മാന്നാനത്തെ വീട്ടിലാണു കെവിന് കഴിഞ്ഞിരുന്നത്. ഇന്നലെ പുലര്ച്ചെ രണ്ടുമണിയോടെ മൂന്നു കാറുകളിലായി 10 പേര് ആക്രമിക്കുകയായിരുന്നുവെന്ന് അനീഷ് പറയുന്നു. വീട്ടിലെ സാധനങ്ങളെല്ലാം അടിച്ചു തകര്ത്തശേഷം കാറില് കയറ്റി കൊണ്ടുപോയി. കാറിലും മര്ദനം തുടര്ന്നു. അനീഷും കെവിനും വെവ്വേറെ കാറുകളിലായിരുന്നു.
സമീപമുള്ള വീട്ടുകാര് ഉണര്ന്നെങ്കിലും ഗുണ്ടാസംഘം ആയുധങ്ങളുമായി ഭീഷണി മുഴക്കിയതിനാല് പുറത്തിറങ്ങിയില്ല. ഇവരാണു മറ്റു നാട്ടുകാരെയും പൊലീസിനെയും വിവരം അറിയിച്ചത്. പൊലീസ് ഫോണില് ബന്ധപ്പെട്ടതോടെ അനീഷിനെ പത്തനാപുരത്തുനിന്നു തിരികെ സംക്രാന്തിയിലെത്തി റോഡില് ഇറക്കിവിട്ടു. സാരമായി പരുക്കേറ്റ ഇയാളെ മെഡിക്കല് കോളജ് ആശുപത്രിയില് ചികില്സയിലാണ്. കാഴ്ച വൈകല്യമുമുള്ള അനീഷിന്റെ കണ്ണിനു ഗുണ്ടാസംഘത്തിന്റെ മര്ദനത്തില് വീണ്ടും പരുക്കേറ്റിട്ടുണ്ട്.
