കൊല്ലം: കാണാതായ ഏഴുവയസുകാരി ദേവനന്ദയുടെ മൃതദേഹം കണ്ടെത്തിയ സംഭവത്തില് ദുരൂഹതയുണ്ടെന്ന് നാട്ടുകാര്. കുട്ടിയുടെ വീട്ടില് നിന്നും അഞ്ഞൂറ് മീറ്ററോളം ആറ്റിലേക്ക് ദൂരമുള്ളതിനാല് കുട്ടി തനിച്ച് ഇവിടെ വരില്ല എന്ന നിലപാടിലാണ് നാട്ടുകാര്. ഇത് സംബന്ധിച്ച് കൂടുതല് അന്വേഷണം ആവശ്യമാണന്നും നാട്ടുകാര് പറഞ്ഞു.
ഒന്നാം ക്ലാസ്സുകാരി ദേവനന്ദയുടെ മൃതദേഹം ഇന്ന് രാവിലെയാണ് സമീപത്തെ ഇത്തിക്കര ആറ്റില്നിന്നും കണ്ടെടുത്തത്. മുങ്ങല് വിദഗ്ദ്ധര് നടത്തിയ തിരച്ചിലിലാണ് കുട്ടിയുടെ മൃതദേഹം കണ്ടത്. കമഴ്ന്നു കിടക്കുന്ന രീതിയിലായിരുന്നു ആറ്റില് കുട്ടിയുടെ മൃതദേഹം കാണാന് കഴിഞ്ഞത്.
