പാലക്കാട്: വിഷം അകത്തുചെന്ന് ജില്ലാ ആശുപത്രിയിൽ ചികിത്സയിലിരിക്കെ മരിച്ച വ്യക്തിയുടെ മൃതദേഹം പോസ്റ്റ്‌മോര്‍ട്ടം ചെയ്യുംമുമ്പേ ബന്ധുക്കൾക്ക് വിട്ടുനൽകി. പാലക്കാട് ജില്ലാ ആശുപത്രിയിലാണ് ഗുരുതരമായ വീഴ്ച. പാലക്കാട് മുണ്ടൂർ സ്വദേശി സദാശിവന്റെ മൃതദേഹമാണ് പോസ്റ്റ്‌മോർട്ടം നടപടികൾക്ക് മുമ്പേ വീട്ടിലേക്ക് കൊണ്ടുപോകാനായി ബന്ധുക്കൾക്ക് വിട്ടുനൽകിയത്.
പോസ്റ്റ്‌മോർട്ടം ചെയ്തില്ലെന്നും അബദ്ധം പറ്റിയെന്നും പറഞ്ഞാണ് ആശുപത്രി ജീവനക്കാർ മൃതദേഹം തിരിച്ചുകൊണ്ടുപോയത്.ഒരുമാസം ചികിത്സയിലിരുന്നാണ് സദാശിവന്‍ മരിച്ചത്.അതുകൊണ്ട് പോസ്റ്റുമോർട്ടം ചെയ്തില്ലെങ്കിലും കുഴപ്പമില്ല എന്ന് പറഞ്ഞാണ് മൃതദേഹം തിരികെ തന്നത്. ചികിത്സയിലിരുന്നതുമായി ബന്ധപ്പെട്ട പേപ്പറുകളും കൈയിൽ തന്നു. ഇതനുസരിച്ച് മൃതദേഹം വീട്ടിലേക്ക് കൊണ്ടുപോകുകയും സംസ്‌കാരത്തിന്റെ സമയം നിശ്ചയിക്കുകയും ചെയ്തു.
