കർണാടകയിലെ ഷിരൂരിൽ മണ്ണിടിച്ചിലിൽ കാണാതായ മലയാളി ഡ്രൈവർ അര്ജുന്റെ ലോറിയില് ഉണ്ടായിരുന്ന തടി കണ്ടെത്തിയെന്ന് ലോറി ഉടമ മനാഫ്. കണ്ടെത്തിയത് 8 കിമി അകലെ നിന്ന്. ലോറി ഉടമ തടി തിരിച്ചറിഞ്ഞു.കണ്ടെത്തിയത് p 1 എന്ന് മാർക്ക് ചെയ്ത തടി. എന്നാല്, ഇക്കാര്യം അധികൃതര് സ്ഥിരീകരിച്ചിട്ടില്ല. കണ്ടെത്തിയത് അര്ജുന്റെ ലോറിയിലുണ്ടായിരുന്ന തടികള് തന്നെയാണെന്ന് ഉദ്യോഗസ്ഥര് സ്ഥിരീകരിച്ചാല് മാത്രമേ ഇക്കാര്യത്തില് വ്യക്തത വരൂ.
എന്നാൽ ആദ്യ രണ്ട് ഘട്ട ഡ്രോൺ പരിശോധന വിജയിച്ചില്ല. ഡ്രോൺ പരിശോധന സംഘത്തിൽ ഏഴ് പേരാണ്. കരയിലും വെള്ളത്തിലും തെരച്ചിൽ ഊര്ജിതമാക്കും. ഡ്രോൺ പരിശോധന നിർണായകമാണ്. ട്രക്കിന്റെ സ്ഥാനം സംബന്ധിച്ച് നിർണായക വിവരം ലഭിക്കുമെന്നാണ് പ്രതീക്ഷ.പുഴയ്ക്കടിയിലെ ട്രക്കിന്റെ കിടപ്പും സ്ഥാനവും ഐബോഡ് ഡ്രോൺ പരിശോധനയില് വ്യക്തമാകും. എന്നാല്, മനുഷ്യസാന്നിധ്യം കണ്ടെത്താന് ഡ്രോണ് പരിശോധനയില് കഴിഞ്ഞേക്കില്ലെന്നാണ് നാവികസേന അറിയിക്കുന്നത്. മനുഷ്യസാന്നിധ്യം കണ്ടെത്താന് കഴിഞ്ഞില്ലെങ്കില് ദൗത്യം വീണ്ടും നീളും.
