പെരിയറിലെ മത്സ്യക്കുരുതിക്ക് പിന്നാലെ മലിനീകരണ നിയന്ത്രണ ബോർഡിൽ സ്ഥലം മാറ്റം. ഏലൂരിലെ പരിസ്ഥിതി നിയന്ത്രണ ബോർഡ് പാരിസ്ഥിതിക എഞ്ചിനീയര് സജീഷ് ജോയിയെ സ്ഥലം മാറ്റിമലിനീകരണ നിയന്ത്രണ ബോര്ഡ് റീജിയണൽ ഓഫീസിലെ സീനിയർ എൻവയോൺമെന്റൽ എഞ്ചിനീയർ എം.എ ഷിജുവിനാണ് പകരം നിയമിച്ചു.വ്യവസായമന്ത്രി വിളിച്ച യോഗത്തിലാണ് ഏലൂരില് മുതിര്ന്ന ഓഫിസറെ നിയമിക്കാന് തീരുമാനിച്ചത്. ഇതിന്റെ ഭാഗമായാണ് സ്ഥലം മാറ്റമെന്ന് പിസിബി വ്യക്തമാക്കി.
അതെസമയം പുഴയില് രാസമാലിന്യം കലര്ന്നതാണ് മത്സ്യങ്ങള് കൂട്ടത്തോടെ ചത്തുപൊങ്ങാന് കാരണമെന്നാണ് ഇറിഗേഷന് വകുപ്പിന്റെ റിപ്പോര്ട്ട്. പാതാളം ഷട്ടറിന് മുമ്പുള്ള ഫാക്ടറിയിലെ രാസമാലിന്യമാണ് പുഴയിലെത്തിയത്.കുഫോസിലെ വിദഗ്ധ സമിതിയുടെ അന്വേഷണം അവസാനഘട്ടത്തിലാണ്. വെള്ളത്തിന്റെ സാമ്പിൾ പരിശോധനാ ഫലം ഇതുവരെ പുറത്തുവന്നിട്ടില്ല. രാസമാലിന്യം എന്താണെന്ന് അറിയാന് ഇനിയും സമയമെടുക്കുമെന്നാണ് വിവരം.
