അർജുന് വേണ്ടിയുള്ള രക്ഷാദൗത്യത്തിന് വെല്ലുവിളിയായി ഷിരൂരിൽ കനത്ത മഴ. കനത്ത മഴയ്‌ക്കൊപ്പം ശക്തമായ കാറ്റുമുണ്ട്.ഗംഗാവലി പുഴയിലെ ജലനിരപ്പ് ഉയരുന്ന സാഹചര്യമാണുള്ളത്. ഷിരൂരിലെ ദേശീയ പാതയിലുണ്ടായ മണ്ണിടിച്ചിലിൽ കാണാതായ അർജുന് വേണ്ടിയുള്ള തെരച്ചിൽ ഇന്ന് 9 ദിവസം പിന്നിടുകയാണ്. ദിവസങ്ങൾ നീണ്ട തിരച്ചിലിനൊടുവിൽ അർജുൻ്റെ ട്രക്ക് ഇപ്പോഴും നദിയിലുണ്ടെന്ന് സ്ഥിരീകരിച്ചു. ഇന്നലെ സോണാർ സിഗ്നൽ ലഭിച്ച അതേ സ്ഥലത്ത് ട്രക്കിൻ്റെ സാന്നിധ്യവും സ്ഥിരീകരിച്ചു. ദൗത്യസംഘം ട്രക്ക് രക്ഷിക്കാൻ ശ്രമിക്കുന്നു.
എന്നാൽ പ്രദേശത്ത് കനത്ത മഴയെ തുടർന്ന് ഇന്ന് രക്ഷാപ്രവർത്തനം നിർത്തിവെച്ചിരിക്കുകയാണ്. വെള്ളപ്പൊക്കമുള്ള നദികളിൽ മുങ്ങൽ വിദഗ്ധർക്ക് ഇറങ്ങാൻ കഴിയില്ല. മഴ രക്ഷാപ്രവർത്തനം ദുഷ്കരമാക്കുന്നു. ട്രക്ക് കണ്ടെത്തിയാൽ ഇന്ന് രാത്രിയും രക്ഷാപ്രവർത്തനം തുടരുമെന്ന് നാവികസേന അറിയിച്ചു. എന്നാൽ രാത്രിയിൽ തെരച്ചിൽ നടത്തില്ലെന്നാണ് ഇപ്പോൾ പുറത്തുവരുന്ന വിവരം. കണ്ടെത്തിയത് അർജുന്റെ ലോറി തന്നെയെന്ന് കർണാടക പൊലീസ് സ്ഥിരീകരിച്ചിട്ടുണ്ട്.
