ബെംഗളൂരുവിൽ നിന്ന് കോഴിക്കോട്ടേക്ക് കെഎസ്ആർടിസി സൂപ്പർ എക്സ്പ്രസ് ബസിൽ സിഗരറ്റ് കടത്ത്. ഇന്നലെയാണ് ഈ സംഭവം നടന്നത്. 80 പായ്ക്കറ്റ് സിഗരറ്റുകളാണ് കെഎസ്ആർടിസിയുടെ വിജിലൻസ് വിഭാഗം പിടികൂടിയത്. ഇത് പിന്നീട് സംസ്ഥാന നികുതി വകുപ്പിന് കൈമാറി. ബസിലുണ്ടായിരുന്ന ബാഗിനകത്താണ് സിഗരറ്റ് കണ്ടെത്തിയത്.
ഈ ബാഗ് ആരുടേതാണെന്ന് വ്യക്തമല്ല. സിഗരറ്റിനെ കുറിച്ച് അറിയില്ലെന്നാണ് കണ്ടക്ടർ വിജിലൻസ് ഉദ്യോഗസ്ഥരോട് പറഞ്ഞത്. എന്നാൽ ബസിലെ ക്രമക്കേടുകൾ കണ്ടെത്തി നടപടിയെടുക്കേണ്ടത് കണ്ടക്ടറുടെ കടമയാണെന്നാണ് കെഎസ്ആർടിസിയുടെ വിജിലൻസ് വിഭാഗം കരുതുന്നത്. അതിനാൽ, കണ്ടക്ടറോട് ജാഗ്രത പാലിക്കാൻ വാച്ച് കമ്മീഷണർ മേലധികാരിയെ ഉപദേശിച്ചു.
