പത്തനംതിട്ട: ളാഹയില് ശബരിമല തീര്ഥാടകര് സഞ്ചരിച്ച ബസ് മറിഞ്ഞു. അപകടത്തില് ഒരു കുട്ടിയടക്കം ഏഴ് പേര്ക്ക് പരിക്കേറ്റു.ദര്ശനം കഴിഞ്ഞു മടങ്ങുകയായിരുന്ന ആന്ധ്രാ സ്വദേശികളായ തീര്ഥാടകരുടെ മിനി ബസാണ് റോഡില് മറിഞ്ഞത്. 34 പേരാണ് ബസില് ഉണ്ടായിരുന്നത്.പുലര്ച്ചെ അഞ്ചരയോടെയാണ് അപകടം ഉണ്ടായത്. ളാഹയ്ക്കും പുതുക്കടയ്ക്കും ഇടയിലാണ് അപകടം. ആരുടേയും പരിക്ക് ഗുരുതരമല്ല.
റോഡരികിലെ ഡിവൈഡറിലിടിച്ച വാഹനം റോഡില് തന്നെ മറിയുകയായിരുന്നു. പരിക്കേറ്റവരില് രണ്ടാളുകളെ പത്തനംതിട്ട ജനറല് ആശുപത്രിയിലും മറ്റുള്ളവരെ പെരിനാട് ആശുപത്രിയിലും പ്രവേശിപ്പിച്ചു.
