എറണാകുളം: നടിയെ ആക്രമിച്ച കേസിലെ കോടതിയലക്ഷ്യ ഹരജി എറണാകുളം പ്രിൻസിപ്പൽ സെഷൻസ് കോടതി ഇന്ന് പരിഗണിക്കും. അന്വേഷണ ഉദ്യോഗസ്ഥൻ ബൈജു പൗലോസ്, സംവിധായകൻ ബാലചന്ദ്രകുമാർ, റിപ്പോർട്ടർ ടിവി എന്നിവർക്കെതിരെയുള്ള ഹരജിയാണ് ജസ്റ്റിസ് ഹണി എം വർഗീസിൻ്റെ ബെഞ്ച് പരിഗണിക്കുക.
കേസിന്റെ വിചാരണയുമായി ബന്ധപ്പെട്ട ചില വാര്ത്തകള് സംപ്രേഷണ ചെയ്ത മാധ്യമങ്ങള്ക്കെതിരെ എട്ടാം പ്രതിയായിരുന്ന ദിലീപ് നല്കിയ ഹര്ജികളും കോടതിയുടെ പരിഗണനയില് വരും. ഹര്ജികളില് വാദം കേട്ട ശേഷം കോടതി അലക്ഷ്യം ഉണ്ടെന്ന് ബോധ്യപ്പെട്ടാല് തുടര് നടപടികള്ക്കായി ഹര്ജികള് പ്രിന്സിപ്പില് സെഷന്സ് കോടതി ഹൈക്കോടതിയ്ക്ക് കൈമാറും.
അതേസമയം, നടിയെ ആക്രമിച്ച കേസുമായി ബന്ധപ്പെട്ട വിഡിയോ പ്രചരിപ്പിച്ച സംഭവത്തിൽ പ്രതി മാർട്ടിനെതിരെ പൊലീസ് കേസെടുത്തു. തൃശൂർ സിറ്റി പൊലീസ് ആണ് കേസെടുത്തത്. അതിജീവിതയുടെ പേര് വെളിപ്പെടുത്തിയതിനും സാമൂഹ്യ മാധ്യമങ്ങളിലൂടെ അപകീർത്തിപ്പെടുത്തിയതിനുമാണ് കേസ്.
