തിരുവനന്തപുരം: യൂണിവേഴ്സിറ്റി കോളജില് വിദ്യാര്ഥിയെ വധിക്കാന് ശ്രമിച്ച കേസില് എസ്എഫ്ഐക്കെതിരെ ഉയരുന്ന വിമര്ശനങ്ങള്ക്കു മറുപടിയുമായി സിപിഎം കൊല്ലം ജില്ലാ സെക്രട്ടറി കെ.എന് ബാലഗോപാല്.
‘എസ് എഫ് ഐ അഭിമാനം ആണ്. ഇടനെഞ്ചില് തുടിക്കുന്ന വികാരമാണ്. ഒരു നാടിന്റെ പ്രതീക്ഷയാണ്. ലജ്ജാ ഭാരം കൊണ്ട് ശിരസ്സു കുനിച്ചല്ല, അഭിമാനബോധത്താല് ശിരസ്സുയര്ത്തിയാണ് ഈ നാട് എസ്എഫ്ഐയെ കാണുന്നതെന്ന്’ അദ്ദേഹം ഫെയ്സ്ബുക്കില് കുറിച്ചു.
ഏതായാലും എസ് എഫ് ഐയെ മാത്രം നന്നാക്കണം എന്ന ഇത്തരക്കാരുടെ പ്രത്യേക താല്പര്യത്തിനുള്ള നന്ദി അറിയിക്കുന്നു. അക്രമം നടത്തുന്നവരല്ല, തങ്ങളാണ് യഥാര്ത്ഥ എസ് എഫ് ഐ എന്ന് ആ കലാലയത്തിലെ വിദ്യാര്ത്ഥി- വിദ്യാര്ത്ഥിനികള് ഉറക്കെ പ്രഖ്യാപിക്കുന്നു.എസ് എഫ് ഐ എന്ന സംഘടന പകര്ന്നു നല്കുന്ന ധൈര്യവും നിര്ഭയത്വവുമാണ് ശരിയായ പക്ഷത്തു നിന്ന് നിലപാടെടുക്കാന് പെണ്കുട്ടികള് ഉള്പ്പെടെയുള്ള അക്കൂട്ടരെ പ്രാപ്തരാക്കുന്നത്. അവര് കൂടുതല് കരുത്തോടെ എസ് എഫ് ഐയുടെ രാഷ്ട്രീയം ഉയര്ത്തിപ്പിടിക്കുന്നു എന്നത് ഏറ്റവും അഭിമാനകരമാണെന്നും അദ്ദേഹം കുറിപ്പില് പറയുന്നു
