തിരുവനന്തപുരം: വേണുഗോപാലന് നായരുടെ മരണമൊഴി പുറത്ത്. ജീവിതം തുടരാന് താല്പര്യമില്ലാത്തതിനാലാണ് ആത്മഹത്യ ചെയ്യുന്നത് എന്നായിരുന്നു വേണുഗോപാലന് നായരുടെ മൊഴി. ശബരിമല വിഷയമോ ബി.ജെ.പി സമരമോ പരാമര്ശിച്ചിരുന്നില്ല.
മരിക്കുന്നതിന് തൊട്ടു മുമ്പായി നല്കിയ മൊഴി ഡോക്ടറും മജിസ്ട്രേറ്റും രേഖപ്പെടുത്തി. 
അതേസമയം, വേണുഗോപാലന് നായരുടെ മരണത്തില് പ്രതിഷേധിച്ച് നാളെ സംസ്ഥാന വ്യാപകമായി ബി.ജെ.പി ഹര്ത്താല് പ്രഖ്യാപിച്ചിരിക്കുകയാണ്. ഭക്തരുടെ വികാരങ്ങളെ മാനിക്കാത്ത സര്ക്കാര് നടപടിയാണ് ആത്മഹത്യാശ്രമത്തിന് കാരണമെന്നാണ് ബി.ജെ.പി ആരോപിച്ചിരിക്കുന്നത്.
