തിരുവനന്തപുരം: സംസ്ഥാനത്ത് നാളെ ബിജെപി ഹര്ത്താല്. ബി ജെ പി സമരപ്പന്തലിന് മുന്നില് ആത്മഹത്യക്ക് ശ്രമിച്ചയാള് മരിച്ചതില് പ്രതിഷേധിച്ചാണ് ബിജെപി ഹര്ത്താലിന് ആഹ്വാനം ചെയ്തത്. രാവിലെ 6 മുതല് വൈകീട്ട് 6 വരെയാണ് ഹര്ത്താല്. ഇന്ന് പുലര്ച്ചെയാണ് തിരുവനന്തപുരം മുട്ടട സ്വദേശി വേണുഗോപാലന് നായര് സ്വയം മണ്ണെണ്ണ ഒഴിച്ച് തീകൊളുത്തി ആത്മഹത്യക്ക് ശ്രമിച്ചത്.
ഗുരുതരമായി പൊള്ളലേറ്റ നിലയില് വേണുഗോപാലനെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയായിരുന്നു. 
സെക്രട്ടറിയേറ്റിന് മുന്നില് ബി ജെ പി നേതാവ് സി കെ പത്മനാഭന് നിരാഹാര സമരം നടത്തുന്ന സമരപ്പന്തലിന് മുന്നിലായിരുന്നു ആത്മഹത്യാശ്രമം. സമരപ്പന്തലിലേക്ക് ഓടിക്കയറിയ വേണുഗോപാലന് ശരീരത്തില് മണ്ണെണ്ണ ഒഴിച്ച ശേഷം തീകൊളുത്തുകയായിരുന്നു. ഇന്ന് പുലര്ച്ചെ ഒന്നരയോടെയാണ് സംഭവം. പ്രവര്ത്തകരുടെയും പൊലീസിന്റെയും സമയോചിതമായ ഇടപെടലാണ് വന്ദുരന്തം ഒഴിവായത്.
