തിരുവനന്തപുരം: പ്രളയദുരന്തത്തിന്റെ പശ്ചാത്തലത്തില്‍ മുഖ്യമന്ത്രിയുടെ നേതൃത്വത്തില്‍ വിദേശത്ത് ദുരിതാശ്വാസ സമാഹരണ യാത്ര പോകുന്നതിന് മന്ത്രിമാര്‍ക്ക് കേന്ദ്രത്തിന്റെ വിലക്ക്. കടുത്ത നിയന്ത്രണങ്ങളോടെ മുഖ്യമന്ത്രി പിണറായി വിജയന് മാത്രമാണ് കേന്ദ്രസര്‍ക്കാര്‍ അനുമതി നല്‍കിയത്. വിദേശ ഫണ്ട് സ്വീകരിക്കരുത്, വിദേശ പ്രതിനിധികളുമായി ചര്‍ച്ച നടത്തരുത് തുടങ്ങിയ ഉപാദികളോടെയാണ് മുഖ്യമന്ത്രിക്ക് ദുബായിലേക്ക് യാത്രാനുമതി നല്‍കിയിരിക്കുന്നത്.
മുഖ്യമന്ത്രിയടക്കം 18 മന്ത്രിമാരാണ് നവകേര നിര്‍മ്മാണത്തിനായി വിദേശയാത്രയ്ക്ക് അനുമതി തേടിയത്. ഈ മാസം 18മുതലായിരുന്നു യാത്ര നിശ്ചയിച്ചിരുന്നത്.
