പത്മനാഭസ്വാമി ക്ഷേത്രവിധി കഴിഞ്ഞ യു ഡി എഫ് സര്ക്കാര് എടുത്ത നിലപാടിനുള്ള സാധൂകരണമാണെന്ന് പ്രതിപക്ഷ നേതാവ് രമേശ് ചെന്നിത്തല. വിശ്വാസ സമൂഹത്തിന്റെ വിശ്വാസങ്ങളെ ഉയര്ത്തിപ്പിടിക്കുന്ന വിധിയാണിത്. പത്മനാഭന്റെ സ്വത്തുക്കള് പത്മനാഭന് തന്നെയാണ് കോടതി ചൂണ്ടിക്കാട്ടിയിരിക്കുകയാണ്. ഭക്ത ജനങ്ങളുടെ വിജയമായിട്ടാണ് താന് ഈ വിധിയെ കണക്കാക്കുന്നതെന്നും രമേശ് ചെന്നിത്തല പറഞ്ഞു. ശബരിമല വിഷയത്തിലും വിശ്വാസം സംരക്ഷിക്കണമെന്ന നിലപാടാണ് കഴിഞ്ഞ യുഡിഎഫ് സര്ക്കാര് കൈക്കൊണ്ടത്. പത്മനാഭ സ്വാമിക്ഷേത്രത്തിന്റെ കാര്യത്തിലും അതേ നിലപാട് തന്നെയായിരുന്നു. സുപ്രിം കോടതി വിധിക്കതിരെ അപ്പീല് പൊകേണ്ടതില്ലെന്ന സര്ക്കാര് തീരുമാനത്തില് ആശ്വാസമുണ്ടെന്നും രമേശ് ചെന്നിത്തല പറഞ്ഞു.
