ഓഫീസിൽ മദ്യപിച്ചെത്തി അശ്ലീലം പറഞ്ഞതിന് വനംവകുപ്പ് ജീവനക്കാരന് സസ്പെൻഷൻ. വാഴച്ചാൽ ഡിവിഷനിലെ ഷോളയാർ റേഞ്ചിലെ മലക്കപ്പാറ ഫോറസ്റ്റ് സ്റ്റേഷനിലെ ബീറ്റ് ഫോറസ്റ്റ് ഓഫീസർ ആർ. വിജയകുമാറിനെയാണ് സസ്പെൻഡ് ചെയ്തത്.വനിതാ ജീവനക്കാർ ഉൾപ്പെടെ ഓഫീസിലുളള സമയത്താണ് ഓഫീസർ ഇത്തരത്തിൽ പെരുമാറിയതെന്നാണ് ഡിവിഷണൽ ഫോറസ്റ്റ് ഓഫീസറുടെ ഉത്തരവിൽ പറയുന്നത്. വിജയകുമാറിനോടൊത്ത് ജോലിചെയ്യാൻ ബുദ്ധിമുട്ടുണ്ടെന്ന് മറ്റു ജീവനക്കാർ മേലുദ്യോഗസ്ഥരെ അറിയിക്കുകയും ചെയ്തു.
ജോലിയിൽ തുടരുന്നതിനാൽ അത് അന്വേഷണത്തെ ബാധിക്കുന്നത് കൊണ്ടാണ് വിജയകുമാറിനെ സസ്പെൻഡ് ചെയ്തിരിക്കുന്നത്. രണ്ടാമത്തെ പ്രാവശ്യമാണ് വിജയകുമാർ സസ്‌പെൻഷനിലാകുന്നത്. വകുപ്പുതല അന്വേഷണത്തിനുവേണ്ടിയാണ് ഇപ്പോൾ സസ്പെൻഡ് ചെയ്തിരിക്കുന്നത്. വിജയകുമാർ ജോലിയിൽ തുടരുന്നത് അന്വേഷണത്തെ ബാധിക്കുമെന്നതിനാലാണ് സസ്പെൻഡ് ചെയ്യുന്നതെന്ന് ഉത്തരവിൽ പറയുന്നു.
