അമീബിക് മെനിഞ്ചോ എൻസെഫലൈറ്റിസ് ബാധിച്ച് തിരുവനന്തപുരം മെഡിക്കൽ കോളേജിൽ ചികിത്സയിലായിരുന്ന 10 പേരെയും ഡിസ്ചാർജ് ചെയ്തു. ആദ്യം തന്നെ കൃത്യമായി രോഗനിര്ണയം നടത്തുകയും മില്ട്ടിഫോസിന് ഉള്പ്പെടെയുള്ള മരുന്നുകള് എത്തിച്ച് ഫലപ്രദമായ ചികിത്സ നല്കുകയും ചെയ്തത് കൊണ്ടാണ് ഇത്രയേറെ പേരെ ഭേദമാക്കാന് കഴിഞ്ഞത്. തിരുവനന്തപുരത്ത് അമീബിക് എൻസെഫലൈറ്റിസ് ബാധിച്ച് ഒരാൾ മരിച്ച സംഭവത്തിൽ കർശന നടപടിയുമായി ആരോഗ്യവകുപ്പ്. ആരോഗ്യമന്ത്രി വീണാ ജോർജിൻ്റെ നേതൃത്വത്തിൽ സംസ്ഥാന ആർആർടി യോഗം ചേർന്ന് പ്രതിരോധവും ചികിത്സയും ഏകോപിപ്പിച്ചു.
ചികിത്സയിലുള്ളവര്ക്ക് മെഡിക്കല് ബോര്ഡ് രൂപീകരിച്ച് പ്രത്യേക എസ്.ഒ.പി. തയ്യാറാക്കിയാണ് തുടര് ചികിത്സ ഉറപ്പാക്കിയത്. ആഗോള തലത്തില് 97 ശതമാനം മരണ നിരക്കുള്ള രോഗമാണിത്. എന്നാല് കേരളത്തിലെ മരണ നിരക്ക് 26 ശതമാനമായി കുറയ്ക്കാന് സാധിച്ചു. ലോകത്ത് തന്നെ ഇത്തരത്തില് രോഗമുക്തി കൈവരിച്ചിട്ടുള്ളത് 11 പേര് മാത്രമാണ്. അതേ സമയം ഈ 10 പേര് ഉള്പ്പെടെ ഇതുവരെ 14 പേരെ രോഗമുക്തരാക്കാന് കേരളത്തിന് കഴിഞ്ഞു. ഏകോപനത്തിനും ചികിത്സയ്ക്കും നേതൃത്വം നല്കിയ മെഡിക്കല് കോളേജിലേയും ആരോഗ്യവകുപ്പിലെയും മുഴുവന് ടീമിനേയും മന്ത്രി വീണാ ജോര്ജ് അഭിനന്ദിച്ചു.
