കൊച്ചി: പെരിയ ഇരട്ടക്കൊലക്കേസില് സിബിഐ അന്വേഷണം ആവശ്യപ്പെട്ടുളള ഹര്ജികള് ഹൈക്കോടതി ഇന്ന് പരിഗണിക്കും. സിപിഎം നേതാക്കള് പ്രതികളായ കേസിന്റെ അന്വേഷണം ഫലപ്രദമല്ലെന്നും, ഉന്നതര് കൂടി ഉള്പ്പെട്ട ഗൂഡാലോചന പുറത്തുകൊണ്ടുവരണമെന്നും ആവശ്യപ്പെട്ടാണ് സംസ്ഥാന, കേന്ദ്ര സര്ക്കാരുകളെ എതിര്കക്ഷികളാക്കി ഹര്ജി നല്കിയിരിക്കുന്നത്.
കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകരായിരുന്ന ശരത് ലാല്, കൃപേഷ് എന്നിവരുടെ മാതാപിതാക്കളാണ് കോടതിയെ സമീപിച്ചത്. അന്വേഷണം വൈകിപ്പിക്കാനാണ് ക്രൈംബ്രാഞ്ച് സംഘം ശ്രമിക്കുന്നതെന്നാണ് ബന്ധുക്കളുടെ ആരോപണം.
