കൊച്ചി: കസ്റ്റഡിയില്‍ കൊല്ലപ്പെട്ട ശ്രീജിത്തിനെ ആളുമാറി അറസ്റ്റു ചെയ്തതല്ലെന്ന് റൂറല്‍ എസ്പി എ.വി ജോര്‍ജജ്. വാസുദേവന്റെ വീട് ആക്രമിച്ച കേസിലെ പ്രതിയെ തന്നെയാണ് പോലീസ് അറസ്റ്റു ചെയ്തതെന്നും എ.വി ജോര്‍ജജ് വ്യക്തമാക്കി. മരിച്ച ശ്രീജിത്തിനെതിരെ തന്നെയാണ് വാസുദേവന്റെ മകന്‍ വിനീഷ് ആദ്യം മൊഴി നല്‍കിയതെന്നും മൊഴി മാറ്റിയിട്ടുണ്ടോ എന്ന് പ്രത്യേക അന്വേഷണ സംഘം അന്വേഷിക്കട്ടെയെന്നും എ.വി ജോര്‍ജജ് പറഞ്ഞു. വിനീഷിന്റെ മൊഴി പ്രകാരം തന്നെയാണ് അറസ്റ്റു ചെയ്തത്. പോലീസിന് ഇതുവരെ വീഴ്ചയുണ്ടായിട്ടില്ലെന്നും. മൊഴി മാറ്റമാണോ അല്ലയോ എന്ന് പോലീസ് അന്വേഷിക്കട്ടെയെന്നും എസ്പി കൊച്ചിയില്‍ വ്യക്തമാക്കി.
