തിരുവനന്തപുരം: തിരുവനന്തപുരം വർക്കല ക്ലിഫിൽ വൻ തീപിടിത്തം. നോർത്ത് ക്ലിഫിലെ കലേലിയ റിസോർട്ടിലാണ് തീപിടിച്ചത്. റിസോർട്ട് പൂർണമായി കത്തി നശിച്ചു.
വർക്കല ഫയർഫോഴ്സ് സ്ഥലത്തെത്തി തീ അണയ്ക്കാനുള്ള ശ്രമം തുടരുന്നു. തീപിടിത്തം ജീവനക്കാർ ചവർ കൂടിയിട്ട് കത്തിച്ചതിനെ തുടർന്ന് .തീപിടിത്തത്തിൽ ആളപായമില്ല.ജീവനക്കാർ ചവർ കത്തിക്കുന്നതിനിടെ കൂനയിൽ നിന്ന് തീ പടരുകയായിരുന്നു. റിസോർട്ടിൽ തീ പടരുന്നത് ശ്രദ്ധയിൽപ്പെട്ട താമസക്കാരനായ ഇംഗ്ലണ്ട് സ്വദേശി ഓടിരക്ഷപ്പെടുന്നതിനിടയിലാണ് നിസാരമായ പൊള്ളലേറ്റത്.ലക്ഷങ്ങളുടെ നാശനഷ്ടമാണ് ഉണ്ടായിരിക്കുന്നതെന്നാണ് അധികൃതർ പറയുന്നത്. കത്തിനശിച്ച മുറിവിൽ താമസക്കാരായ മറ്റ് വിദേശികളുടെ സാധന സാമഗ്രികളടക്കം ഉണ്ടായിരുന്നതായാണ് വിലയിരുത്തൽ.
