തിരുവനന്തപുരം: ബിജെപി സെക്രട്ടറിയേറ്റിന് മുന്നില് നടത്തിയ മാര്ച്ചില് സംഘര്ഷം. പോലീസ് ജലപീരങ്കിയും കണ്ണീര്വാതക ഷെല്ലും പ്രയോഗിച്ചു. സംഘര്ഷത്തില് നിരവധിപേര്ക്ക് പരിക്കേറ്റു. ശബരിമലയിലെ 144 പിന്വലിക്കുക, ബിജെപി നേതാക്കള്ക്കെതിരെ ഉള്ള കള്ള കേസുകള് പിന്വലിക്കുക, എ.എന് രാധാകൃഷ്ണന്റെ നിരാഹാര സമരം അവസാനിപ്പിക്കാന് ചര്ച്ചക്ക് തയ്യാറാവുക തുടങ്ങിയവ ആവശ്യങ്ങളുമായായിരുന്നു മാര്ച്ച്. അതേസമയം
കോട്ടയത്ത് റോഡില് കുത്തിയിരുന്നു പ്രതിക്ഷേധിച്ച ബിജെപി പ്രവര്ത്തകരെ അറസ്റ്റ് ചെയ്തു നീക്കി.
പത്തനംതിട്ട കളക്ട്രേറ്റിലേക്ക് മാര്ച്ച് നടത്തിയ ബി ജെ പി പ്രവര്ത്തകരെ അറസ്റ്റ് ചെയ്തു. മുപ്പത് പേരെയാണ് അറസ്റ്റ് ചെയ്തത്. എ എന് രാധാകൃഷ്ണന്റെ നിരാഹാര സത്യാഗ്രഹം അധികൃതര് കണ്ടില്ലെന്നു നടിക്കുന്നു എന്നാരോപിച്ച് കണയന്നൂര് താലൂക്ക് ഓഫീസിലേക്ക് ബിജെപി പ്രവര്ത്തകര് മാര്ച്ച് നടത്തി.
