കൊച്ചി: കേരള കോണ്ഗ്രസ് എം ചെയര്മാന് കെ എം മാണിയുടെ നിര്യാണത്തില് അനുശോചിച്ച് മുതിര്ന്ന കോണ്ഗ്രസ് നേതാവ് എ കെ ആന്റണി. ഐക്യജനാധിപത്യമുന്നണിയുടെ ശക്തനായ പടത്തലവനായിരുന്നു കെ എം മാണിയെന്ന് ആന്റണി ഓര്മ്മിച്ചു.
കേരളം കണ്ട ഏറ്റവും നല്ല ധനകാര്യമന്ത്രിമാരില് ഒരാള് ആയിരുന്നു കെ എം മാണി. കേരളത്തിലെ നിരാലമ്പരായ രോഗികള്ക്ക് ആശ്വാസമാകുന്ന കാരുണ്യ പദ്ധതി പോലുള്ള നിരവധി പദ്ധതികള് ആവിഷ്കരിക്കുന്നതില് സന്തോഷം കണ്ടെത്തിയിരുന്ന സഹപ്രവര്ത്തകനായിരുന്നു അദ്ദേഹമെന്നും ആന്റണി പറഞ്ഞു.
ശ്വാസകോശ രോഗത്തെത്തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിൽ കഴിയുകയായിരുന്നു അദ്ദേഹം. വൈകീട്ട് 4.57നായിരുന്നു മാണി. വൃക്കകൾ തകരാറിൽ ആയതിനാൽ ഡയാലിസിസ് തുടരുകയായിരുന്നു. മരണ സമയത്ത് ഭാര്യ കുട്ടിയമ്മയും മകന് ജോസ് കെ മാണിയും പേരക്കുട്ടികളും അടക്കമുള്ളവര് മാണിക്കൊപ്പമുണ്ടായിരുന്നു.
