തിരുവനന്തപുരം കോർപറേഷനിലെ 44 ജില്ലകളിൽ ശുദ്ധജലം എത്തിക്കാൻ അധിക ടാങ്കറുകൾ എത്തിക്കുമെന്ന് മന്ത്രി വി.ശിവൻകുട്ടി പറഞ്ഞു. പ്രശ്ന പരിഹാരത്തിനായി കോർപ്പറേഷനും വാട്ടർ അതോറിറ്റിയും ടാങ്കർ ഒരുക്കിയിട്ടുണ്ട്. ക്യൂ ഇല്ലാതെ വെള്ളമെടുക്കാനുള്ള സംവിധാനം ഒരുക്കിയിട്ടുണ്ടെന്നും മന്ത്രി വിശദീകരിച്ചു. ഇന്ന് ഉച്ചയോടെ പ്രശ്നം പരിഹരിക്കും. മന്ത്രി റോഷി അഗസ്റ്റിൻ ഇന്നലെ സ്ഥലം സന്ദർശിച്ചു. പണി നീണ്ടുപോകുമെന്ന് വാട്ടർ അതോറിറ്റി കരുതിയില്ല. ബദൽ സംവിധാനം ഒരുക്കിയിട്ടുണ്ടെന്നും മന്ത്രി കൂട്ടിച്ചേർത്തു.
ഇന്നലത്തെ ചർച്ചയിൽ വെള്ളം ലഭ്യമാക്കുമെന്ന് വാട്ടർ അതോറിറ്റി ഉറപ്പ് നൽകിയതാണ്. രാത്രി പമ്പിങ് നേരിയ രീതിയില് പുനരാരംഭിക്കുകയും ചെയ്തിരുന്നു. പമ്പിങ് കൂടുതല് പ്രഷറിലേക്ക് വന്നപ്പോള് വീണ്ടും പൈപ്പ് പൊട്ടുന്ന സാഹചര്യമുണ്ടായി. ഇതോടെ പമ്പിങ് കുറച്ച് നേരം മാറ്റിവെക്കേണ്ടി വന്നു. തിരുവനന്തപുരം നഗരത്തിലെ 44 വാര്ഡുകളിലെ താഴ്ന്ന പ്രദേശങ്ങളില് വെള്ളം ലഭിക്കുന്നുണ്ട്. എന്നാല് ഉയര്ന്ന പ്രദേശങ്ങളില് വെള്ളം കിട്ടാത്ത സാഹചര്യമാണുള്ളത്.
