തിരുവനന്തപുരം: ഗവ. മെഡിക്കല് കോളേജ് ആശുപത്രി സൂപ്രണ്ടും ന്യൂറോ സര്ജറി വിഭാഗം അഡീഷണല് പ്രൊഫസറുമായ ഡോ എം എസ് ഷര്മ്മദിന് കേരള യൂണിവേഴ്സിറ്റിയില് നിന്നും മെഡിസിന് വിഭാഗത്തില് പി എച്ച് ഡി ലഭിച്ചു. ‘മസ്തിഷ്ക ക്ഷതം സംഭവിച്ച രോഗികളുടെ പരിണിത ഫലം നിര്ണ്ണയിക്കുന്നതിലെ ഘടകങ്ങള് ‘ എന്ന വിഷയത്തെ ആസ്പദമാക്കി മെഡിക്കല് കോളേജിലെ റിട്ടയേര്ഡ് പ്രൊഫസറായ ഡോ. രാജ് മോഹനന്റെ കീഴിലായിരുന്ന പഠനം. കേരളാ യൂണിവേഴ്സിറ്റിയില് നിന്നും ന്യൂറോ സര്ജറിയില് പി എച്ച് ഡി നേടുന്ന ആദ്യത്തെ വ്യക്തി കൂടിയാണ് കഴക്കൂട്ടം ആറ്റിന്കുഴി ഷാദി മന്സിലില് പരേതരായ ഇ എം ഹനീഫയുടെയും സുബര്ഹാന് ബീവിയുടെയും മകനായ ഡോ എം എസ് ഷര്മ്മദ്. കെ ജി ഒ എ സംസ്ഥാന കമ്മറ്റിയംഗമാണ്. എസ് എ ടി ആശുപത്രിയിലെ ഒബ്സ്റ്റസ്ട്രിക്സ് ആന്റ് ഗൈനക്കോളജി വിഭാഗം അഡീഷണല് പ്രൊഫസര് ഡോ റ്റാനിയ സലിം ഭാര്യയാണ്.
